Şizofrenik Saturn.. İlk öncə bu ad cəlb etmişdi məni.. "Şizofrenik əsər"lər məndə hər zaman maraq doğurur. Və buna kosmoqoniklik də əlavə olunubsa, oxumalıyam dedim.
Əsəri ümumən bəyəndim. İstər mövzu olsun, istər fikrin sərbəstliyi olsun.. Yazarın düşüncələri olduqca yaxın idi mənə. Şeirlər sərbəst vəznlə yazılıb,səpkili formadadır ki, bu da bir üstünlük idi mənə görə, çünki mən fikirlərin çərçivəyə salınmadan ifadə olunmasının tərəfdarıyam. Şərt qafiyə tutdurmaq deyil, şərt düşündüyün zamankı hislərini qarşıya ötürməkdir.
Sərbəst buraxmaq sətirləri.
Almaq əlinə qələmi
Yazmaq.
Nə önəmi var ki mövzunun?
Sərbəst vəzndə olsun qoy.
Qafiyə adıyla məcburiləşdirməyək.
Azad burax hecaları.
Bu sətirlərdə də deyildiyi kimi, bəzən hecaları saymaq yox, azad buraxmaq lazımdır.
Kitabda bəyənmədiyim bəzi məqamlar da oldu. Məsələn, şeirlərdə "zatən" sözünə rast gəldim bir neçə dəfə. Məncə bu sözün yerinə başqa bir sinonimi işlənsə daha xoş olardı. Bu kimi bəzi sözlər bədiiliyi zəyiflədir deyə düşünürəm. Və bəzi sətirlərdə inversiyaya yol verilsə daha ahəngli oxunardı. İstənilən şeir hər nə qədər sərbəst vəznlə yazılsa da, nisbətən şeir ahəngi olmalıdır.
Şizofrenik Saturn