Səndən Gözəl Olmasın
Səddam LaçınSəndən Gözəl Olmasın Sözleri ve Alıntıları
Səndən Gözəl Olmasın sözleri ve alıntılarını, Səndən Gözəl Olmasın kitap alıntılarını, Səndən Gözəl Olmasın en etkileyici cümleleri ve paragragları 1000Kitap'ta bulabilirsiniz.Unudulan qadın
Göz yaşını qurutmağın yanında
Bir dənizi qurutmağa nə var ki
Dərd eləmə, qurban olum dərdinə
Unut məni, unutmağa nə var ki
***
Mən ki sənin sevmədiyin adamam
Bir qarışlıq adam
Günəşi görmək üçün gecə baxırsan göyə…
Hamı sənə kor deyir, necə baxırsan göyə?
Çox qarışıq adamsan
***
Biz isə ağıllıyıq, hər şeyi “düz” bilirik
Səndən Gözəl Olmasın
Mən səni neynirəm ki…
Sən olsan da sevirəm, olmasan da sevirəm
Ey dodağı yasəmən, yanaqları qızılgül
Qorxma payız gələndə
Sən solsan da sevirəm, solmasan da sevirəm
***
Sən sev deyə sevmirəm…
Mən səbəbsiz sevirəm, qarşılıqsız sevirəm
Sizin sevgiləriniz, bu gün olur, sabah yox.
Mən sevəndə bir ömür ayrılıqsız sevirəm
***
Mən səni neynirəm ki…
Sən olmayan günlərin
Hər günü bir şeirdi, hər günü bir qəzəldi
Səndən gözəl olmasın, sənsizlikdə gözəldi
Kişi unutqanlığı
Bir qadın unutmuşam…
Göz rəngi yadımdadı,
gözün xatırlamıram.
Bir qadın unutmuşam…
Səsi qulağımdadı
Qadınsan
Yaman kövrək olmuşam, ürəyim dərd tapalı
Bir bəhanə tap qayıt, sən ki, gözü qapalı
İnandığım qadınsan
Heç kəsim yoxdur axı, dərdimi ovutmağa
Göz-gözə gəlmək nədi, əllərindən tutmağa
Utandığım qadınsan
Sən ayrısan əzizim, ifadə etmək olmur
Gözlərindən uzağa gördüm ki, getmək olmur
Dayandığım qadınsan
Səndə həqiqət tapıb, inanmışam sevgiyə
Hər doğulan günəşlə daha çox sevim deyə
Oyandığım qadınsan
Sayfa 54Kitabı okudu
Kəpənək ömrü
Dolaşıqdı insan ömrü
Qəmi düşür dəm vaxtına
Dəmi düşür qəm vaxtına
Keşməkeşdi insan ömrü
Neçə-neçə gözlər düşür
Neçə-neçə gözdən düşür
Ən hikmətli sözlər düşür
Ən ağıldan kəm vaxtına
Sayfa 32Kitabı okudu
Dikdaban
Acı həqiqətlər qorxudur deyə
İnsan adət edir xəyallar qura.
Kaş aşiq olduğum rəngli gözlərin
Ağ-qara dünyamı işıqlandıra
***
Yuxu
Yum gözünü, bəlkə hər şey düzəldi?
Bir yuxu ki gerçəyindən gözəldir,
Oyanma.
Oyandınsa, yuxulara inanma.
Bir yuxudur gerçək olan, bir həyat,
Aç gözünü, inanmasan, bir də yat.
Yubanma.
Yubandınsa, əbədi yat, oyanma.
Ölmüşəmmi ağlayasan, gözəlim?
Kim desə ki, ağlamaqla düzəlir,
İnanma.
İnandınsa, ağla qızım, utanma.
Bir eşqi ki, qurban verdik bir səhvə,
Yüz dəfə də "gəlmə" desəm, bir dəfə
Gəl, amma
Evdə səni gözləyirlər, yubanma.
Yum gözünü, bəlkə hər şey düzəldi?
Bir yuxu ki, gerçəyindən gözəldir,
Oyanma.Oyandınsa, yuxulara inanma.
Bir yuxudur gerçək olan, bir həyat
Aç gözünü, inanmasan, bir də yat.
Yubanma.
Yubandınsa, əbədi yat, oyanma.
Ölmüşəmmi ağlayasan, gözəlim?
Kim desə ki, ağlamaqla düzəlir,
İnanma.
İnandınsa, ağla qızım, utanma.
Bir eşqi ki, qurban verdik bir səhvə,
Yüz dəfə də “gəlmə” desəm, bir dəfə
Gəl, amma
Evdə səni gözləyən var, yubanma.