Göz yaşını qurutmağın yanında
Bir dənizi qurutmağa nə var ki
Dərd eləmə, qurban olum dərdinə
Unut məni, unutmağa nə var ki
***
Mən ki sənin sevmədiyin adamam
Mən səni neynirəm ki…
Sən olsan da sevirəm, olmasan da sevirəm
Ey dodağı yasəmən, yanaqları qızılgül
Qorxma payız gələndə
Sən solsan da sevirəm, solmasan da sevirəm
***
Sən sev deyə sevmirəm…
Mən səbəbsiz sevirəm, qarşılıqsız sevirəm
Sizin sevgiləriniz, bu gün olur, sabah yox.
Mən sevəndə bir ömür ayrılıqsız sevirəm
***
Mən səni neynirəm ki…
Sən olmayan günlərin
Hər günü bir şeirdi, hər günü bir qəzəldi
Səndən gözəl olmasın, sənsizlikdə gözəldi
Gedəndə arxayın get, sən ki məni bilirsən,
"Gəl" deməyi sevirəm.
Beləyəm də, neyləyim, gözlətməyə qıymıram,
Gözləməyi sevirəm.
Bir gün gələrsən deyə sevmirəm ki mən səni,
Gəlməsən də sevərəm.
Təbəssüm həsrətli qız, bircə dəfə üzümə
Gülməsən də sevərəm.
Gülsən də mənə gülmə, məni yaradan belə
Yaratmadı, yar atdı.
Ey xəncər kirpikli qız, bir ömürlük həsrəti
Bir baxışın yaratdı.
Hələ təzə getmisən, qayıtmağa tələsmə,
Uzaqlar da gözəldir.
Bir də belə yoxlayaq, kim bilir, bəlkə sevgi
Uzaqlarda gözəldir?
Nə olardı, İlahi,
İllərdi gördüyümüz
Yuxumuz çin olaydı,
Sevincimdən uçaydım.
Ürəyim qanadlanıb
Ağ göyərçin olaydı.
Budağına qonmağa
"Yenə o bağ olaydı".
Mən səni neynirəm ki…
Sən olsan da sevirəm, olmasan da sevirəm...
Sən sev deyə sevmirəm…
Mən səbəbsiz sevirəm, qarşılıqsız sevirəm
Sizin sevgiləriniz, bu gün olur, sabah yox.
Mən sevəndə bir ömür ayrılıqsız sevirəm
Mən səni neynirəm ki…
Sən olmayan günlərin
Hər günü bir şeirdi, hər günü bir qəzəldi
Səndən gözəl olmasın, sənsizlikdə gözəldi...
Səddam Laçın
Bu kitabı oxuya-oxuya bir şeyə diqqət yetirdim ki, bundan sonra çap edəcəyim kitabların sonunda oxucu üçün qeyd yeri buraxmalıyam. Ona görə ki, kitabı oxuyub ürəyi dolan biri olsa ürəyində saxlamasın. Eynilə "Səndən gözəl olmasın"ın ürəyimi doldurduğu kimi. Ona görə kitabın səhifə boşluqlarında ağlımda olanların hamısını bir kənara qeyd etdim.
Səddam Laçını oxuyanda Nazim Hikmətin yaşamını görürəm.
Ramiz Rövşənin cavanlığını,
Nizami Gəncəvinin hikmətini sezirəm.
Füzulinin dərinliyini,
Müşviqimin aşiq ruhunu hiss edirəm.
Deyə bilərsiniz ki, nə çox adamı gördün bu kitabda. Amma Səddam Laçın bu dahilərin hər birinə "Mən səni neynirəm ki?" Deyərək onları bir kənarda qoyub öz sənətini yaradıb. Ona görə mən də öz yazdıqlarımı "Səndən gözəl olmasın" deyərək bir kənara qoyub onun dünyası ilə tanış oldum. Bu dünya eşq və dərinlik dünyasıdır. Sevgi və azadlıq dünyasıdır.
Deyə bilərsiniz ki, "eşq" və "sevgi", "dərinlik" və "azadlıq" bir-birinə yaxın məfhumlardır, hətta eynidir. Amma diqqətlə düşünsək görərik ki, bu kitab hər birinin mənası ayrı-ayrılıqda təsvir olunub. Bəziləri bir söz ilə, bəziləri bir cümlə, bəziləri isə tək bir misra və ya bəndlə. Səddam Laçın bu bəndlərdən bir hasar hörərək öz cənnətini yaradıb və ağrılarını "Səndən gözəl olmasın" olaraq şeirlər toplusu kitabında cəmləyib.
Bu zamana qədər dəfələrlə oxuduğum ilk kitabdır. O qədər gözəldi ki, şeirlər insan heyran qalır.Hətda özümü narahat hissedəndə təsadüfü bir səhifə açıb oxuyuram və rahatlayıram♡.♡ bir şeiri dəfələrlə oxusamda hər oxuyuşumda ilk dəfə ki kimj ruhumu oxşayır♡.♡ bu kitabın yeri mənim üçün çox ayrıdı♡♡♡ kitaba bağlandım♡.♡
Alınnn oxuyunnn. oxumayan çox şey itirər♡.♡