Səddam Laçın Gönderileri
Səddam Laçın kitaplarını, Səddam Laçın sözleri ve alıntılarını, Səddam Laçın yazarlarını, Səddam Laçın yorumları ve incelemelerini 1000Kitap'ta bulabilirsiniz.Belə..
Mən səni neynirəm ki…
Sən olsan da sevirəm, olmasan da sevirəm...
Sən sev deyə sevmirəm..
Mən səbəbsiz sevirəm, qarşılıqsız sevirəm
Sizin sevgiləriniz, bu gün olur, sabah yox.
Mən sevəndə bir ömür ayrılıqsız sevirəm...
Səddam Laçın 🤍
Şairəm də, "şeir qız", itirdiyim şeiri
axtarmağı sevirəm.
Gedəndə arxayın get, sən ki məni bilirsən,
"Gəl" deməyi sevirəm.
Beləyəm də, neyləyim, gözlətməyə qıymıram,
Gözləməyi sevirəm.
Bir gün gələrsən deyə sevmirəm ki mən səni,
Gəlməsən də sevərəm.
Təbəssüm həsrətli qız, bircə dəfə üzümə
Gülməsən də sevərəm.
Gülsən də mənə gülmə, məni yaradan belə
Yaratmadı, yar atdı.
Ey xəncər kirpikli qız, bir ömürlük həsrəti
Bir baxışın yaratdı.
Hələ təzə getmisən, qayıtmağa tələsmə,
Uzaqlar da gözəldir.
Bir də belə yoxlayaq, kim bilir, bəlkə sevgi
Uzaqlarda gözəldir?
Səddam Laçın
Günəşi görmək üçün gecə baxırsan göyə...
Hamı sənə kor deyir, necə baxırsan göyə?
Çox qarışıq adamsan.
Biz isə ağıllıyıq, hər şeyi "düz" bilirik
Ürəyin dünya boyda olsa da, biz bilirik -
Bir qarışlıq adamsan.
Saçında ağ tellərin qaralarla yarışır
Belə də davam elə, sənə də bu yaraşır -
Tam yarışlıq adamsan.
Gözlərindən axanlar gözünə bir də baxmır
Axı niyə baxanlar üzünə bir də baxmır?
Bir baxışlıq adamsan?
Ahın yerdən göylərə, heç çatmasın, əzizim
Səni qara buludlar aldatmasın, əzizim,
Bir yağışlıq adamsan.
Yum gözünü bəlkə hər şey düzəldi,
Bir yuxu ki gerçəyindən gözəldir,
oyanma.
Oyandınsa, yuxulara inanma.
Bir yuxudur gerçək olan ,bir həyat.
Aç gözünü, inanmasan bir də yat.
Yubanma
Yubandınsa, əbədi yat.
Oyanma.