We'de Pencere - Mitale
Mîkaêlê ReşîdWe'de Pencere - Mitale Gönderileri
We'de Pencere - Mitale kitaplarını, We'de Pencere - Mitale sözleri ve alıntılarını, We'de Pencere - Mitale yazarlarını, We'de Pencere - Mitale yorumları ve incelemelerini 1000Kitap'ta bulabilirsiniz.
Tamarê minda
Roye dikişe
Û bada nîne,
Wekî rengê sor,
Rengê xûna min
Rengekî germe.
Tamarê minda
Emir dikişe.
Ez zanim, zanim,
Çima pêşîê min
Ro hebandine,
Çima dayka min,
Wexta sond dixwe,
Navê şems dide,
Û çima, wexta
Ji me dipirsin,
Wekî em kêne,
Em cabê didin:
- Ewladê şemsin.
Eva du roje ezman digirî.
Eva du roje
Roja havînê melûl û sare,
Jêr şîn, jor gewre,
Eva du roje serê min şile,
Eva du roje dilî ne dile,
Eva du roje, ku hevalê min
Dibê:- Birînê min dîsa dêşin,
Ku ji şêr’ mane.
Eva sî sale,
Birînê wîda hela hê şer’e.
Hîv birîndare,
Alîk birîne.
Her alîk maye.
Xwe avît avê,
Xwest bixeniqe,
Lê qe nikare.
Hîva birîndar.
Îşev ser avê
Lal diperite.
Her pencerek
We’de xweda xewra diçe,
Her pencerek
We’de xweda hişyar dibe,
Lê pencera dayka reben,
Ku tek kurekî wê hebû,
Lê ew jî çû şêr’da canda,
Gelek şeva qe ranazê.
Roj dirêj dibin,
Rast e bi deqa, lê dirêj dibin.
Û ev zivistan û ev berfa çîya
Ev bûza şimşat, ku gol kirye dîl,
Ser lêvê xwe, ku ii sermê şîn in,
Bîna biharê bona min tînin,
Çimkî şevê sar, rast e bi deqa
Îdî kin dibin,
Roj dirêj dibin.
Te'vê can, te'vê,
Zûtirê emê
Bag û bagçada
Çol û bestada
Mînanî berê hevra bin, şa bin,
Binhêrin çawa kulîlk vedibin.
Û tê sura xwe mîna par, pêrat
Ber min ha vekî, ez jî çawa zar
Zende bimînim ber ecêbê te,
Lê berî gişka, hema serî da,
Ez ê hêdîka, ku tu kes nebhê,
Bi dil-can bêjim:
-Bîra te kirye, te'vê can, te'vê.
Çi baş e, wekî roj dirêj dibin.
Tu destpê dikî şêrê dinivîsî,
Hezar dinya tê dikeve nav dil,
Hezar birûskin mejyê teda.
Tu diçerçirî, tu diperitî,
Lê tu nizanî -
Kîderê, çiçax û çi teherî
Tê vê şêra xwe ta’mkî, xilazkî.
Usa jî emin -
Benî ademin,
Tucar nizanin -
Kîderê, çiçax û çi teherî
Rênga emirê xwe emê xilazkin.