" Werin kemalîzmê, werin kemalîzmê! Vê firsetê bernedin! Kêloya wê bi du dolaran e! Werin kemalîzmê, werin kemalîzmê! ", dikandarekî dî: Werin ji xwe re dîtina > Ala tirkan ya me kurdane jî!< Bikirin, ez wê nîvheqî difroşim. Wexta dikana xwe dadim, lezê bikin! Werin, werin > Ala tirkan ya me kurdane jî<, werin... Hemdîn di ber xwe de got: >Nauzubillah, bawer ke ev yeke elametên qiyametê ne!< ... - Heval, were tiştên baş li dikana min hene! Û wî hema bêjê ew bi kotekî bir dikana xwe. Hemdîn li dikana wî nêrî ko her tiştekî wî fiyetek ser nivîsîne. Çavê wî bi çend telîsan ket ko di hinekan de tiştmişt hebûn. Li ser yekî >kemalîzma hûrkirî, ya bo kutilkan< û ser yekî dî > demokratîk cumhurîyet< hatibû nivîsandin. Hemdîn tiştek ji van çuwal-miwalan û tiştên di nava wan de fêhm nekir. - Fermo hevalê delal, wext hatiye ko tu êdî vê kemalîzma me jî biceribînî. Savara ji wê çêdibe gelek xweş e. Hemdîn çavên xwe ferikan, li wî kesî nêrî, lê tu gotin, fikir nedihat bîra wî. Yê dikandar: - Ger te bivê ez dê çend kêloyan ji > demokratîk cumhurîyet< ji te re dagirim...

Yazar: