Xoşbəxt Ailə Modeli
Hacı ŞahinYazar:
Hacı Şahin
Tahmini Okuma Süresi:
3 sa. 10 dk.
Sayfa Sayısı:
112
Yayınevi:
Parlaq İmzalar
ISBN:
9789952547221
Ülke:
Azerbaycan
Dil:
Azerbaycanca
Yorumlar ve İncelemeler
Bütün xoşbəxt ailələr bir birinə mi bənzəyir ???1000k
Kitabın yazarından yola çıxaraq bu kitabın dinə aid bir kitab olduğunu düşünmək olar. Amma belə deyil. Ön yargı ilə başladığım bu kitab mənə çox şey qatdı. Ailə həyatı quracaqlar və ailəli şəxslərə şiddətlə oxumağı tövsiyə edirəm. Kitabda ailə quruluşu necə olmalıdır,kişi və qadın arasındakı münasibətlər,fərqlər,ailədə uşağın rolu, tərbiyəsi və s. kimi mövzulara toxunulur.
Hər şeyin öz cizgisindən çıxdığı bu "müasir"dövrdə ailəni necə qorumalı və ailə quracağımız insanı necə dəyərləndirməli olduğumuz haqqında faydalı məsləhətlər var.
Evin rəisi kimdi ? Kişi ya qadın ? Hər iki cins ailədə rəisdir. Sadəcə fərqli sferalarda.Kişi maddi, qadın mənəvi rəisdir. Qadın ailənin məzmununu idarə edir. Kişi isə ailənin formasını. Kitabda kişi öz qadını ilə necə rəftar eləməlidir,qadın öz əri ilə necə davranmalıdır çox gözəl şəkildə izah edilib.
Açığını desəm dindar biri deyiləm və həmişə də içimizdəki sözdə "dindar"insanlar ucbatından dindən yan qaçmışam. Və hər zaman da bu cümlə mənə əsəb keçirdirdi " Qadın kişisinə itaət etməlidir". Kitabda bu cümlə o qədəər gözəl izah edilib ki,heyran qaldım. Ailədə kişinin və qadının öhdəlikləri, səlahiyyətləri açıq və səlis bir dildə oxucuya çatdırılıb. Kitab haqqında çox yazmaq istəyirəm amma çox da danışıb marağı öldürmək lazım deyil məncə ) .
Hər kəsə xoş mütaliələr...
Reklam
Yazar Hakkında
Hacı ŞahinYazar · 3 kitap
Həsənli Şahin Hüseyn oğlu 1974-cü ildə iyulun 7-si Bakı şəhərində dünyaya göz açıb. 1981-ci ildə Bakı şəhər 189 saylı orta məktəbində təhsil almağa başlayıb və 1991-ci ildə təhsilini başa vurub. 1995-1997-ci illərdə cəbhə ərazisində hərbi xidmət çəkib. 1991-1999-cu illərdə Azərbycan Dövlət Texniki Universitetinin Maşınqayırma fakültəsində oxuyub. 2001-2004-cü illərdə Bakı Dövlət Universitetinin Tarix fakültəsində ikinci ali təhsil alıb. Ərəb, fars və rus dillərini bilirdi. Dörd övlad atası idi. 2 mart 2023-cü il tarində dünyasını dəyişib.
Dini fəaliyyəti
Hacı Şahin Həsənli 1991-ci ildən başlayaraq fərdi qaydada dini təhsil almağa başlayıb. 1992-ci ildə isə, Bakı şəhəri Yasamal rayonunda yerləşən “Hüseyniyyə” adlı kiçik ibadət evində ruhani fəaliyyətinə başlayıb. 2001-ci ildən Bakı şəhəri Nəsimi rayonunda yerləşən “Məşədi Dadaş” məscidində imam-camaat olub. Bu və öncəki illərdə müstəqil şəkildə dini təhsil almaqla yanaşı, dini mövzularda dərs tədris edib. Əqaid, fəlsəfə, əxlaq, təfsir dərslərinin tədrisinə xüsusi diqqət yetirib. 2013-cü ildə “Məşədi Dadaş” məscidinə axund, 2014-cü ildə Qafqaz Müsəlmanları İdarəsinin Nəsimi rayonu üzrə səlahiyyəli nümayəndəsi, 2021-ci ildə isə QMİ Qazilər Şurasının üzvü təyin olunub. Uzun illər Həcc və Ərəfə karvanlarına rəhbərlik edib, zəvvarlara xidmət göstərib.
İctimai fəaliyyəti
1998-2001-ci illərdə təsisçilərindən olduğu “İkmal” Gənclər Birliyinin sədri olaraq ictimai fəaliyyət göstərib. Rəhbərlik etdiyi qurum ölkənin müxtəlif rayonlarında nümayəndiliklər açıb, ümumrespublika miqyasında müxtəlif tədbirlər keçirib. Fəaliyyətinin əsas istiqaməti milli-mənəvi dəyərlərimizin, sağlam həyat tərzinin və vətənpərvərlik hissinin gənclər arasında təbliği olub. 2007-ci ildə “Mənəvi Dünya” Milli-Mənəvi Dəyərlərimizin Təbliği İctimai Birliyini təsis edib, o zamandan quruma rəhbərlik edib.
