Yahya Divanı
Rekin ErtemSözler ve Alıntılar
Başı açık yalın ayak abdâlın olmuşdur güneş
Bir yerde ârâm eylemez şevkinle dünyâyı gezer
Dikdiler her yâre kim sînemde açıldı hançerin
Seyrine gel bâg-ı mihnetde dikilmiş güllerin
Va’iz-“ şehre nice âdem desin pîr-i mugân
Adına ümm’ül-habâis der dü-sâle duhterin
Hançerin âyînesinde görünür şekl-i hilal
Vây rûy-ı lutf göstermezse rûy-ı enverin
İhtirâz eyle meded göz degmesin macrûh olur
Haylice nâzikdir ey gonce-dehen la’l-i terin
İltifat et hüsrevâ dünyâya verme hâtırın
Kıymetin bil çünkü Yahyâ gibi var bir çâkerin
Karşı vardım şol kadar şemşirine naz eyledin
Nazın öldürdü beni şemşire hacet kalmadı
Özün ey dil yukarı tutma çün bir mâh-pâren yok
Tutalım çarh-ı atlas kendi olmuşsun sitâren yok
Zerafetin zirvesi
Aceb şahâne tasvir eylemişler nakş-ı zîbânı
Yanınca ben gedâyı hayli dervişâne yazmışlar
Yahyadan Özge kimseye tek eyleme vefâ
Kâildir ol ne denlü olursa cefaların
Fasl etmese aralarını hançer-i hicrân
Gavgâ uzanırdı ten ile cân arasında