Dikdiler her yâre kim sînemde açıldı hançerin
Seyrine gel bâg-ı mihnetde dikilmiş güllerin
Va’iz-“ şehre nice âdem desin pîr-i mugân
Adına ümm’ül-habâis der dü-sâle duhterin
Hançerin âyînesinde görünür şekl-i hilal
Vây rûy-ı lutf göstermezse rûy-ı enverin
İhtirâz eyle meded göz degmesin macrûh olur
Haylice nâzikdir ey gonce-dehen la’l-i terin
İltifat et hüsrevâ dünyâya verme hâtırın
Kıymetin bil çünkü Yahyâ gibi var bir çâkerin