Beləcə, sonda yerin üstündə yalnız varlılar qalacaq, yoxsullarsa dibə çökəcək. Ora yuvarlanan kasıblar nəfəs almalarının müqabilində yuxarıdakılara xərac verməli olacaq. Yoxsa ya acından ölməli, ya da nəfəsləri kəsilməli idi. Öyrəşməyənlər, bir də tabe olmayanlar onsuz da öləcək. Tədricən yeraltı həyata öyrəşən kasıblar özlərini elə yuxarıdakı varlılar qədər xoşbəxt hiss edəcək. Nəhayət, yuxarıdakılar mükəmməl gözəlliyə çatdıqları halda, aşağıdakılar rəngsiz yoxsulluqla kifayətlənməli olacaq.