Əsl ağrı qəlbi təpədən dırnağa qədər acı ilə dolduran, sirrini heç kimə demədən ölmək istəyinə səbəb olan bir şeydir. Qolları və başı həmişə zəif buraxan, hətta yastıqda qarşı tərəfə çevrilmək istəyini belə söndürən bir şey...
— Ən böyük ağrılarımızın, iztirablarımızın səbəbi qəbul etmək istəmədiyimiz səhvlərimizdir. Bəs nəyə görə o səhvlərimizi etiraf etmək istəmirik? Çünki onlar bizim gerçək təbiətimizə heç cür uyğun gəlməyən səhvlərdir. Biz gözümüzü açıb o səhvlərə baxmaqdan qorxuruq. Biz bir bədəndə iki fərqli adama çevrilirik. Bir-birinə nifrət edən iki adama. Yalançıya və yalana nifrət edənə. Oğruya və oğurluğa nifrət edənə. Bu iki adamın təhtəlşüurda davası qədər ağrılı bir şey yoxdur. Biz ondan qaçmağa çalışırıq, amma o da bizimlə bir yerdə qaçır. Hara qaçırıqsa, o davanı da özümüzlə ora aparırıq.