g
Güney Azərbaycan
0 üyeTakip
Arzu MuradiGüney Azərbaycan
Səni özləmək duyğudan üstündür
bəlkə ilk yağmur damlası torpağa toxunan zaman
bəlkə kəpənəklərin can verməsinde,
bəlkə də qəhər sözcükləri boğanda
bağıra biləcək gözlərimiz
özləmdən doğulan utancaq sözlərimizi
vƏ mən sevəcəyem səni buludlar yağmurdan küsən qədər.
Arzu SaymanGüney Azərbaycan
Böyüyüb-böyüyüb ucalacaqsan,
Adamlar gözündə kiçiləcəkdir,
Bir gün özün boyda sevdiyin insan
Sənin yaddaşından silinəcəkdir.
Xəyanət görməyi öyrənəcəksən,
Şikayət etmədən sürünəcəksən,
Dizlərin ortadan qatlanan zaman
Kəndi qollarına bürünəcəksən.
Her çiçeğin bir mevsimi, her kitabın bir zamanı vardır. Haziranın tadını yeni hikâyelerle çıkarın.
Nadir ƏzhəriGüney Azərbaycan
Hava heç də isti deyil səninlə,
Heç islanmadığımız yağışları tərləyirəm.
O gözlərindəki boya.
Hər yana dağılmış başım fırlanır -
Hər şey dairədir, gələcək də xatirədir.
Rəsul YunanGüney Azərbaycan
Uzun bir küçedir
Və onun dibində olan
Bağlı qapi -
Yalqız adamın rəsmi.
Rəsmdə görünməyən
Paslı pianodur
Yalqız adamın rəsmi.
Əsən yeldir,
Solğun ay
Yalqız adamın rəsmi -
Bütün kəderlərin rəsmidir...
Qələbəlik.
Rəsul YunanGüney Azərbaycan
Səni düşünmək
Həyatı düşünməkdir,
Torpaq altında
Dar-düdük bir qəbirdə.
Günəşi düşünməkdir
Qarlı gecədə.
Qıfıllanmamış qapılara
Qaçmağı düşünməkdir
həbsxanada,
Səni düşünmək dəyərlidir
Ən azı
Adamın qəlbindən
Bir bulaq coşar,
Bir at gələr, orada su içər,
Bir quş gələr, orada oxuyar...
Həsrət
Duman boruları
Antenlər,
Qarğalar...
Sadəce,
Keçmişimdən bunlar yadıma gəlir.
Pəncərədən
Eşiyə baxdığım gunlərdən.
Sizin apartmaniniz
Uzaqda idi -
Yerlə göy üzü qovuşan yerdə...
Payızın bir qəmli axşamı sənsiz
Qapısı qapalı, havası tutqun
Qəfəsdə könlümə sarınır kədər.
Qanadları yanmış xəyalım daha
Yüksələ bilməyir, gələ Təbrizə
Bu uzun gecələr, ağır gecələr.
Ay qurşaq sallamır, göz vurmur ulduz.
Bu qalın, bu acı qaranlıq nədir?
Bu gün həddən artıq sənsizəm, sənsiz,
Dünyanın qəmləri ürəyimdədir.