Ən son nə zaman özünlə baş-başa qalmısan? Nə zaman heç bitməyəcək yolun gəzintisinə çıxmaq və düşüncələrini o yolda tökmək istəmisən? Soyuğun iliyinə işləyib amma səni üşütmədiyi günün soyuğu ilə dondurmusan içindəkiləri? Gecəni gündüz bilib gündüzü o yolda yola vermək istəmisən?
İçini tökmədən yüngül olmaq istəyirsən? Bəs yüngül olmaq üçün heç çarələr axtarmısan? Göydən halva düşmədiyini bilirsən də yəqin ki. İşləmək sadəcə əmək qabiliyyəti deyil. Ruhun üzərində işləyib onu mükafatlandırmadan heç bir rahatlıq qazana bilməzsən, bunu da bil. Həyat oyuncaq olanları oynadır çünki. Oynayanlar həyatı oyuncaq görənlərdir. Ona görə o yola çıx, o yolda don, o yolda get və sonda o yolu yola verməyi öyrən.