Möhtəşəm bir dünyaya gəlirik, burada bir-birimizlə qaynayıb-qarışırıq, yeni insanlarla tanış olur, bir müddət bərabər yol gedirik. Sonra dünyaya qəfildən gəldiyimiz kimi də yox oluruq, bir-birimizi itiririk, səbəbini bilmirik.
Son zamanlarda sosyal şəbəkələrdə bu kitabla çox qarşılaşırdım. Haqqında müsbət rəylər var idi. Məndə böyük maraq oyatdı və almaq qərarına gəldim. Normalda kitabları türkçə oxumuram amma təəssüf ki, bizim dildə nəşri yox idi, almaq məcburiyyətində qaldım. Yeri gəlmişkən kitab yayımlandığı il ölkəsində qadağan olunubmuş.
İndi isə keçək əsas məsələyə. Kitabda gəncliyində etdiyi səhvlərə görə bütün var-dövlətini itirən adamın səfil və acınacaqlı həyatından bəhs olunur. Demək olar ki, hər abzasında ağlatdı məni bu kitab. Xüsusilə də, Youginq'in ölümü mənə çox təsir etdi. Ən sevdiyim və bir o qədər də kədərləndiyim obraz Jiazhen oldu. Hər şeyə rəğmən həyat yoldaşının yanında olub onu sevməsi.... Kitabı oxuyarkən bütün duyğuları yaşadım deyə bilərəm. Axıcı və yormayan kitabdır, tövsiyə olunur.