“1000kitapın” ən sevdiyim xüsusiyyəti oxuduğun kitaba xal verməyindir.İlk dəfədir bir kitaba xal verə bilmədim.Bu faciəyə ,bu dəhşətə, bu acılara necə xal vermək olar?...
Uzun insan ömründən 8gün nədir ki ? deyə düşünmək olar.Lakin bu 8 gün yaşananlar bir ömrü necə də məhv edə bilərmiş. Fiziki yaralar sağalır,bəs mənəvi? Kitabı oxuduğum müddət ərzində Dürdanə ilə yıxıldım,döyüldüm, əzildim ,işgəncələrə məruz qaldım deyə bilərəm. Hər bir hadisəni sanki gözlərimlə gördüm , sanki məndə “Xocalıdan” , evimdən qovulan ,didərgin düşən biri oldum.Oxucu olaraq mənə belə təsir edibsə , bunu yaşayan Dürdanə nə haldadır düşünə bilmirəm. Oxuduğum bioqrafik əsərlərdəki qadınların hər birinin adını qəlbimə yazıram , onlar həyatımın geri qalanını mənimlə addımlayırlar. Dürdanə də bugün onlardan birinə çevrildi...
Bu gün yurdumda “Qarabağ müharibəsi “ gedir. Torpaqlarımızı min şükür ki, geri alırıq .Ama şərəfsiz düşmən “Xocalı faciəsini” davam etdirir.Sivil insanlarımızı öldürür. Tərtər,Gəncə ,Goranboyu və dünəndən Bərdəni də atəşə tutublar. Ölən və yaralanan insanlar var.Ən dəhşətlisi uşaqlar var.Dünyada ədalət yoxdur ,əgər olsa bugün Dövlətlər “Xocalı faciəsini” tanıyar daha sonra isə , düşmənə dəstək olmaqdan imtina edərdilər.Eybi yoxdur Olmayan ədaləti ORDUMUZ yaradacaq...Qarabağ Bizimdir !Qarabağ Azərbaycandır!