"Əgər qəzəblisənsə, dalaşmaq, döymək istəyirsənsə, kimisə yumruqlamazdan və ya kiməsə çığırıb-bağırmazdan əvvəl üçcə gün səbir et. Üç gündən sonra qəzəbin soyuyacaq və daha heç kimə hücum çəkmək istəməyəcəksən".
"Mənim həyatım boş və mənasız keçməyib! Geri boylananda təəssüflənmirəm, çünki həyatımın mənalı olması üçün əlimdən gələni etmişəm! Bunun üçün çox çalışmışam".
İnsan övladı həm xeyirxah və alicənab, həm də bədxah və alçaq əməllər törətməyə qadirdir. Hansı əməllərə meyil etməyimiz yaşadığımız şərait və mühitdən deyil, şəxsi qərarlarımızdan asılıdır.