Aqil Adilli
@uchparalel
Dərviş Ziyatay
t.me/illuminataspira...
Bakı
Şəki, 16 Haziran
49 okur puanı
Ocak 2024 tarihinde katıldı
Filosoflar haqqında məlumat? Buyur, ala bilərsən
Çox sevdiyim o şairin axtardığım o kitabı...
Baxdım ki, bu kitab haqqında sadəcə bir nəfər incələmə yazıb, o da bir neçə cümlə. Amma bu kitabı bir neçə cümlə ifadə edə bilməz.
Çox sevdiyim şairlərdən olan 
Ali Khayyamın qələmindən tökülən o möhtəşəm şeirləri insanı oxuduqca valeh edir, böyük bir təsir yaradır, dərin bir iz qoyur.
Kitabdakı bəzi şeirlər onun "MadHouse Community"də olarkən və yaxud da sonralar albom daxilində və "single" şəklində paylaşılıb. Hamısını dinlədiyim, hətta bir neçəsini də səhifəmdə "ileti" kimi paylaşdığımdan bəzi hissələr artıq tanış idi, amma təkrar oxumağa da dəyərdi.
Şairin məcazları, bənzətmələri insanı valeh edir, ayrılıq həsrəti, vətən sevgisi, ata ilə yaşana bilməmiş günləri, dostlarına müraciəti, anaya olan müraciətlər, kədər hissinin tərənnümü və s. bu kimi şeylər kitab boyunca bizə yoldaşlıq edir və qəribə hisslərin bizə hakim kəsilməsinə səbəb olur.
Şeir kitablarını heç sevməyən biri olaraq deyirəm, bu kitab elə tez bitir, elə də uzun müddət təsir edir ki...
Mənsə sizinlə sağollaşıram, əziz oxucular. Gününüz gözəlliyə, ömrünüz kitablara...
Oxuduğunuz üçün təşəkkürlər!
Okur Takip Önerileri
"Sizi özünüzdən başqa heç kim daha bacarıqlı edə bilməz"
Anlayaraq oxumağa çalışdığım üçün çox vaxtımı apardı. Görünür ki, həqiqətən bu kitabın faydası var. Bu kitabın hələ yarılarında ikən kitabda olan məlumatları danışıqlarımda istifadə etdim və həqiqətən faydasını gördüm.
"Hə" cavabına gedən yol. Məğlubiyyətsiz danışıqlar kitabı müasir dövrümüzün əsas biznes kitablarından hesab olunur. Bizneslə yanaşı bütün səviyyələrdə həyata keçirilən danışıqlarda insana yardım əli uzadan bu kutab milyonlarla insana danışıqlarda kömək edib.
Kitab boyu bir neçə əsas müddəa təhlil olunur, bunların dəyişdirilməli olduğunu fakt, nümunə və açıqlamalarla izah edir.
Kitabı oxuduqca addımbaaddım:
● mövqelərə deyil, maraqları köklənməyi;
● hər kəslə hər bir səviyyədə uğurlu danışıq aparmağı;
● insanları problemdən ayırmağı;
● yaradıcı bir həll yolu tapmaq və bunun üçün birgə işləməyi öyrənəcəksiniz.
Amma başlıq seçdiyim, kitabın sonunda da verilən həmin cümlə ilə qeyd etmək istəyirəm ki, ancaq siz özünüzü daha bacarıqlı edirsiniz. Bu kitabı oxuyub kənara da ata bilərsiz, qismən, ya da tamamilə həyatınıza tətbiq edə bilərsiniz. Amma fərqi özünüz də hiss edəcəksiniz.
Gününüz gözəlliyə, ömrünüz kitablara...
Oxuduğunuz üçün təşəkkürlər.
Nə qədər vaxt keçib bilmirəm, amma hələ də təsiri qalıb.
Kitabı artıq bir aydır ki, oxumuşam. Ancaq incələməsini indi yazmaq istədim.
Kitab baş qəhrəman Bendy Vuenin şizofreniya xəstəliyi ilə yaşadığı həyatını danışır. Kitabın əsl həyat hekayəsindən götürüldüyünü eşidəndə təəccübləndim doğrusu.
Şizofreniya xəstəliyini bilməyən az adam var. Amma yenə də açıqlayım. Sadə olaraq belə deyə bilərik ki, dərin depressiyadan yaranan bu xəstəlik özüylə bərabər dərin təxəyyül də gətirir. Belə ki, siz olmayan şeyləri görə, olmamış hadisələri yaşaya, olmayan şəxslərlə danışa bilərsiniz. Bu şizofreniyanın ən çox bilinən xüsusiyyətləridir.
Şizofren xəstələrin beyinlərində və reallıqda baş verən hadisələr arasında parçalanma vardır. İnsanın düşüncə, duyğu və davranışlarında, özünün və ətrafındakılara əhəmiyyətli dərəcədə təsir edən bəzi dəyişikliklərə səbəb olan bir xəstəlikdir.
Bizim Bendy-miz də bundan əziyyət çəksə də, əsər boyu biz bunun fərqinə varmırıq. Sonda bunları öyrəndikdə həddindən artıq təəccüblənir, baş verənlərin bir təxəyyül olmasını və reallığı öyrənəndə böyük bir şok keçirir, hətta duruxsunub qalırıq. Həmin anı mən tam bir "qırılma anı" adlandırıram.
Kitab bitdikdən sonra qəribə hisslər yaradır, öz təsirində uzun müddət saxlayır. Bir insanın nələr yaşaya biləcəyi, nələr edə biləcəyi haqqında geniş bir təfərrüatla danışır.
Oarın qələmundən çıxmış bu kitabı oxumağınızı tövsiyə edir, hətta təkid edirəm.
Hələlik, əziz oxucular. Gününüz gözəlliyə, ömrünüz kitablara...
Növbəti yazıda görüşənədək.
