Jin
@vejin_
28 okur puanı
Ocak 2024 tarihinde katıldı
#TaybetKurdî
Ji bo hemû jinên kurd û dinyayê
bi van hingilan
min çend zik zarok xwedî kirin,
bi van destan
min hesp av dan
min dan kutan
bi dehan bedl nivîn girêdan
lê xistin bi sedan tenûr nan
pê têrkirin şervan, baran, stran...
Ez “Taybet” im biqasî ku defn nebim,
ez “Taybet” im biqasî ku
laşê min li kuçeyên Kurdistanê
wek peykerekî goştî bê çikilandin,
ez “Taybet” im biqasî ku bi bêhna cendekê xwe,
hemû kûçikên bajêr ji ser hişê wan bibim
ez “Taybet” im biqasî ku li Botan werim kuştin.
min biskin hene, hinne hinne
Lê Antîgone, Antîgone!
gorreke nizm besî min e
qet ne xem e ku tune be
ez xwişka te me
min û birê xwe di yek gorrê de defn bike
min ne şîn e, ne Yasîn e
min ne dua, ne azaye
lê pepûkê Antîgone
wan tu bi saxî binax kiribûyî
gorr ne heqê te, heqê min e
Hangi tür kitapları seviyorsun?
🔎 Polisiye
💕 Romantik
🚀 Bilim Kurgu
🏰 Fantastik
📖 Klasik
🧠 Kişisel Gelişim
🏛️ Tarih
😱 Gerilim
#FuruxferruxzadKurdî
min nedikarî êdî, min nedikarî
dengê lingê min ji inkarê re radibû
û xemgîniya min ji sebra ruhê min firehtir bûbû
û ew bihar, û ew xeyalên keskerenga ku
li ber kulekê re dibihûrî, ji dilê min digot
"binêre
tu qet pêş de neçûyî
tu daketî"
"Pencereyek ji bo dîtinê
Pencereyek ji bo bihîstinê
Pencereya mîna xeleka çalekê di dawiya xwe de digîhije dilê erdê
û
vedibe ber bi aliyê ferehiya vê mihribaniya li pey hev ya rengewrî..."
