Əfqanıstan haqqında yazılmış kitab, məqalə, roman, çəkilmiş filmlərin yüzdə-doxsanı məşhurluğa gedən yoldur çoxları üçün. Özlərini sivilizasiyanın mütləq qurtarıcısı bilən kapitallı sistem, fürsətdən çox yaxşı yararlanaraq xoşuna gəlməyən istənilən toplumu qaralama ilə məşğuldur. Bundan özünə sərf edən xalı tutan "bacarıqlı" yazarlar var. Xüsusi canfəşanlıqla ölkəyə edilənləri malalamağa çalışıb, xalqı gerilikçi, qəddar, radikal obrazda təqdim edib yalnız kənar müdaxilənin güya işıqlı yol olduğunu sırımağa çalışmaq çox iyrənc görünür.
Sətiraltı, sətirüstü dəyərlərə rişxənd, kimliyi alçaltma göz çıxarır. Çoxları üçün "aman Tanrım necə də qorxulu cəmiyyətdir" fikri yaranır əlbəttə belə romanlarda, sual verən də yoxdur ki, ay balam bəs noldu elə hamısının yazı və üslub tərzi eyni oldu?
Bəli, çoxlu reformlar və savadsızlıqla, radikallıqla mübarizə aparmaq lazımdır, ancaq bu o demək deyil ki, insanlar bunu istəmirlər yaxud ancaq top-tüfəng arzusundadırlar. Sadəcə imkan vermək lazımdır özləri öz yollarını getsin, kənar müdaxilələrdən qopsun və lənətə gəlmiş xaşxaş ticarətini durdursun.
Xanım yazarı görsəm bir gün, məhz bu cür də deyəcəm, sadəcə təəssüf.
Əfqanıstan hansısa dövrdə xaosu ilə qarşılaşmaq istədiyim ölkələrdən biridir. Oxuyanlar niyəsə Xalid hüseyn kitabları ilə eyniləşdirir. Ancaq mövzunun eyni ölkədə yazılmağından savayı heç bir oxşarlıq yoxdur. Jurnalist müharibəni görmək üçün Əfqanıstana gəlir və orada bir kitab mağazası ilə rastlaşır. Mağaza Sultan adlı bir kitab kolleksionerinindir. Uzun müddət Sultanın evində qalır və Sultanın ailəsinin fonundan bütün Əfqanıstandakı 1990-2000-ci illər Əfqanıstanını təsvir edir. Əfqanıstanın o illərini kəşf etmək üçün maraqlı kitabdır, doğurdan da heç vaxt eşitmədiyim və rastlaşmadığım qatı qaydalarla tanış olmaq oxucu olaraq çətin bir təcrübə oldu. Ancaq Xalid hüseyn kitablarından daha real təsvirlərlə qarşılaşmaq daha maraqlı idi)
Norveçli xanım jurnalist Asne Seierstad tərəfindən onun real müşahidələrinə və araşdırdıqlarına əsasən yazılan "Kabildə bir kitabçı" indiyə kimi oxuduqlarım arasında ən yaxşılardan idi desəm, yanılmaram. Jurnalist 11 sentyabr hadisələri baş verdikdən 2 həftə sonra Əfqanıstana gəlmişdir, burdakı siyasi hadisələr və mədəniyyətlər