Abdullah Öngüllü Gönderileri
Abdullah Öngüllü kitaplarını, Abdullah Öngüllü sözleri ve alıntılarını, Abdullah Öngüllü yazarlarını, Abdullah Öngüllü yorumları ve incelemelerini 1000Kitap'ta bulabilirsiniz.
Tê pînekî cilên qul
pîne nagire dilên kul 
Bêhna Rihanê Naçe
Lori
Loriyek diherikî di şevê de
qêrînek xwe radipêça li deşta Baraké
bayekî mizgînî dibir ji dilên winda re
xêzek din diyar bûbû di eniya
Dayika Uveyş de
mizgîniya pêşin bû ew qêrîn
tirêjê destpêkê yê rojên bi hevî bû
zayîna pêşin a sterka hezkirinê
û tirsa pêşin a rûqilêrên Nemrûdan bû..
"Lori lori berxê min lori..."
Sayfa 25 - Ar yayınlarıKitabı okudu
Newroza Dilagir
Pimê bêrîkirinên bêdawi
tên kişandin
stranek datîne ser pêta agir
navê wê azadî
ji Mazlûm, Zekiye, Ronahi
û Bêrîvanan re hatî diyarkirin
Evîn dibin stran
ji rojên asûde re
dişewite hemû çûyîn
tenêtî
metirsî
û bêdengiyên me
dibin xwelî
di wê rojê de
di Newrozê de
Newroza dilagir
rengê azadiya gelê Kurd
her roj geştir dibe agir
her roj nêzîktir dibe azadî...
Sayfa 24 - Ar yayınlarıKitabı okudu
Newroz
Li hespê boz siwar dibe
poperiskên wî ba
datîne xurcezînê
bêhna xwe ya sar û mirinê
li pey xwe nanêre
koç dike diçe zivistan
Bi destên xwêdandayî
Sayfa 23 - Ar yayinlariKitabı okudu
Kenê te
Roj tên mijandin
di kenê te de
behr tên razandin
rûheyva welatê min
keçika serê çiya
wêneya serfiraziya min e kenê te
wêneyê hêviyê
wêneyê hesretê
dilovaniyê
ev kenê jiyanê ye
azadî dikene
û mirin dimire.
Sayfa 22 - Ar yayınlarıKitabı okudu
Dêrsim û Mûnzûr
Asoyek sor e Dêrsim
asoyeke ku pêşerojê difikire
li ser eniya asoyê biskeke şil e Mûzûr
mîna keziyên Besê
di navenda Dêrsimê de
tewl dide xwe diçe
Hêstirên çavê Dêrsimê ye Mûnzûr
Sayfa 20 - Ar yayınlarıKitabı okudu
"Di dilê her zivistanekê de biharek direcife
Di bin xêlîya her şevekê de berbangek dikene"
Xelîl Cîbran
Di Dergûşa Kenê Te De
Êdî ji şîr veke peyvên min
Destê hêvîyên min berde
Gazîkirên tenêtiya me
Bi dilekî xwînî, diçim yar
Ji bîr nakim tu car
Bi lorîyên te mezin bûn
Peyv û hêvîyên min
Li ser çokên te
Di dergûşa kenê te de
Sipas dikim yar
Ji Evîna Rûkena Çîyayan Re Lorî
Li serê çiyê maye
mifteya deriyê dilê min
Girtî maye
agirê evîniya Rûkena serê çiya
di nava dilê min de
meşka hesretê
kul û kederên min
dikeyîne
bîst û çar saetan
Lorî Evîna Çîya Lorî
Lorî Sebra Şev Û Rojên Min Lorî
Bi hêviya te
birînên dilê xwe dikewînim
di şemala meşa te de
hêvîyên pêşerojê dirêsim
Evîna te
kul û kederên dilê min
bi hesretê dimêyêne
Lorî Evîna Çîya Lorî
Lorî Sebra Şev Û Rojên Min Lorî
Kenê te
Roj tên mijandin
Di kenê te de
Behr tên razandin
Rûheyva welatê min
Keçika serê Çîya
Wêneya serfiraziya min e kenê te
Wêneyê hêvîyê
Wêneyê hesretê
Dilovaniyê
Ew kenê jiyanê ye
Azadî dikene
Û mirin dimire.
"Dibêjin, ema mar kalanê xwe nû neke dimire"
Dema mirov jî fikrê xwe nû neke... Çimkî însan fikre...
Gelek kes ji bo dinyayê biguherînin dikevin rê, lê nikarin xwe biguherînin.
Yê nikaribe xwe biguherîne, ma dikare dinyayê biguherîne?
Na!
Laş dimire, lê giyan û fikir, ew jî dimirin?
Hesret, xeyal, hezkirin gelo ew jî dimirin?
Ji laşên me hin hestiyên şikandî mane
Lê fikrên me, xeyalên me, bêrî û hezkirinên me hêjî dijîn li der û dora we ne.
Li çîyayan, gund û bajar û zindanan, her zêde jî di dilê we de ne!...
Keça Mende
"Eman Eman yarê were mala me hêdîka
Ez ê derî ji te re vekim du tilîka
Eger dêlika xesûya min bêje ew çi ye ?
Ez ê bêjim rovî hatiye mirîşka..."
Sayfa 17 - Ar
Pîra Min û Mirin
Mirinê tu bimre erê
mirinê
tu bimire
erê
hê çîrokên pîra min hebûn
wê ji zarokan re bigotana
dengê diya min diricifi di telefonê
de ji gund lez û bez hatibû
Tu ne tenê li ciwanan
tu li kal û pîran jî nayî
tu bimire, erê mirin
3 Kewçêr 2015
Sayfa 19 - Ar yayınlarıKitabı okudu
Ji bo bîranîna bavê min ê eziz Mela Seleheddin
Bawko
Çimê min birêje ber min bawko
eger ku min tu ji bîr kiribe...
Diçim ber ava hinaran tu yî li wir ber pez
ber mêşên hingivî ber rezê serê kaniyê tu yî li wir bawko...
Çavê xwe dadidim te dibînim
ça te bîr kim...
Hêsrên çimê diya min de tu diherikî bawko
Wek lehiyan Bawko
Ça te bîr kin
Bê te bijîn, ça?..
Piştî tu çûyî
tirî şîrîn nabe
gul bin nadin
Bawko...
23 Gulan 2001
Sayfa 18 - Ar yayınlarıKitabı okudu