Ağalar Məmmədov Quotes
You can find Ağalar Məmmədov quotes, Ağalar Məmmədov book quotes, the most impressive sentences and paragraphs on 1000Kitap.
Heç birimiz bu əxlaqı sevmirik əslində. Ona görə də bir-birimizi sevmirik. Biz azadlığı sevəndə bir-birimizi sevəcəyik. Ümumiyyətlə, əxlaqlı azadlıq olmur. Əxlaqın əsarəti olur.
Əxlaqlı azadlıq həmin əxlaqın azadlığıdır. Mövcud əxlaqı icra etmək azadlığıdır o.
Azadlığın əxlaqi hüdudları olmur, hüquqi nizamı olur. Hüquqlar qanunlarla təsbit olunmuş azadlıqlardır.
Bəli, Azərbaycanda fəlsəfə var, amma üç nəsnənin adı kimi:
1) Universitetlərdə tədris edilən fənnin adı kimi fəlsəfə,
2) Kafedranın adı kimi fəlsəfə,
3) Dərsliyin adı kimi fəlsəfə.
Böyük mənada, axtarış, təfəkkür çevrilişi, yaradıcı inkar, hermenevtik yenidən-mənalandırma, kultural özünə-refleksiya kimi fəlsəfə isə yoxdur. Yalnız bir neçə şəxsin bu istiqamətdə dəyərli cəhdləri olub və var.
Azərbaycanda olmayan fəlsəfənin tarixi də yoxdur, sadəcə “fəlsəfi fikrin” tarixi var!
Gənclərimizin problemi oxu- mamaq yox, yekəxanalıqdı. Oxumayan adam yekəxanalığından, özü haqqında yüksək fikirdə olmağından, kobudluğundan, eqoistliyindən oxumur. Yekəxana adam mütaliə etsə də, faydası yoxdu, çünki o, bunu lovğalanmaq üçün edəcək. Dəyişmək, başqalaşmaq, özünü aşmaq üçün yox.
Eqoistlərlə mübarizə də eqoizmdir. Başqasında eqoizmi hamıdan tez elə yenə başqa bir eqoist kəşf edir. Fədakar adam o adamdır ki, Başqasının eqoistliyini görmür.
“Qəfəslər quşlar üçündür, amma quşlar qəfəslər üçün deyil”.
Amma ən faciəvi Təklik susan, yorulan, bizim yanımızda dura-dura bizi tərk edən təklikdir. Kefli İsgəndərin "xa-xa-xa"ları hıçqırıq səslərinin evfemizmi deyilmi?
Sayfa 24 - Qanun Nəşriyyatı