Hakkında
Nasir, tənqidçi, ədəbiyyatşünas, tərcüməçi, 1959-cu ildən Azərbaycan Yazıçılar Birliyinin üzvü, filologiya elmləri doktoru (1979), professor (1980), Azərbaycan SSR əməkdar incəsənət xadimi (1989).
Çingiz Hüseynov 1929-cu il aprelin 20-də Bakıda anadan olmuşdur. Burada orta məktəbi bitirdikdən sonra ADU-nun fılologiya fakültəsinə daxil olmuş, ikinci kursdan Lomonosov adına Moskva Dövlət Universitetinə dəyişilmiş, oranı bitirmişdir (1952). SSRİ Elmlər Akademiyasının Şərqşünaslıq İnstitutunun aspiranturasında təhsil almış, burada namizədlik dissertasiyası müdafiə etmişdir. Sonra SSRİ Yazıçılar İttifaqında milli ədəbiyyatlar üzrə məsləhətçi olmuşdur (1955-1972). Sov.İKP MK nəzdindəki İctimai Elmlər Akademiyasında sosialist mədəniyyəti kafedrasının müdir müavini işləmişdir. İlk mətbu əsəri "Bakinski raboçi" qəzetində (16 oktyabr 1955) işıq üzü görmüşdür. Bundan sonra ədəbi yaradıcılıqla müntəzəm məşğul olmuşdur. Əsərlərini iki dildə – Azərbaycan və rus dillərində yazmışdır.
Əsərləri keçmiş SSRİ və xarici ölkə xalqlarının dillərinə tərcümə edilmişdir. Bədii tərcümə ilə də ciddi məşğul olur. Türkiyə, Belçika, İngiltərə, Fransa və digər ölkələrdə olmuşdur.
Tam adı:
Çingiz Həsən oğlu Hüseynov
Unvan:
Yazar, Çevirmen
Doğum:
Bakı, Azərbaycan, 20 Nisan 1929
Okurlar
2 okur beğendi.
2 okur okudu.
1 okur okuyacak.
1 okur yarım bıraktı.
Kitaplar
Sözler ve Alıntılar
"Qəlblərdə rüsvayçı keçmişə qarşı nifrət, çürüməkdə olan zülmkarlığa qarşı ümumi qəzəb alovlanıb yanacaqdır, — belə olmadıqda biz daha çirkli və dözülməz zülmlərə yol verib dünyanı ağır bəlalara düçar edərik."
Sayfa 343 - Yazıçı, 1986Kitabı okudu
“Bəli, hökmdar dünyanın tərəqqisindən qafil və bixəbər öz paytaxtında oturub, elə bilir ki, hökmranlıq yaxşı libas geyməkdən, dadlı xörək yeməkdən, camaatın canına və malına hakim olmaqdan ibarətdir, halbuki ətrafda aclıq, cəhalət və addımbaşı ədalətsizlik hökm sürməkdədir, amma təki hökmdarın adı ucalsın, döşü nişanlı, rütbəli qullar ona səcdə edib yaltaqlansınlar, satqın şairlərin tə'rifini eşitsin.”
Sayfa 555 - Yazıçı, 1986Kitabı okudu
"Söz azad deyilsə, insan da azad deyil."
Sayfa 348 - Yazıçı, 1986Kitabı okudu
“Gənclərin saf və uşaq inamına arxalanır hakimiyyət. Yaşa dolub ayılanda görürsən ki, iş işdən keçib, artıq gecdir; yuxarıya dırmaşanlar da bunu bilirlər, amma bu bilmək onların xeyrinədir, — təzə cavanların xəyallarından qidalanıb, onların inamına arxalanır mütləqiyyət, bütün bunlar gözü pərdəlilərin xeyrinədir; yuxarıya dırmaşa bilməyib əl-ayaq altında qalanlar da bunu duyur, amma nə etmək olar, — etiraz? fəryad?.. Silahlı yeniyetmələr hökmlü əmrə hazırdır, bənddilər ki, didib dağıtsınlar böhranla dolu başları.”
Sayfa 8 - Yazıçı, 1986Kitabı okudu
“Kim nə bacarır, onu eləyir, kim güclüdür açıq-aydın soyğunçuluqla məşğuldur, əlinə keçəni qarət edir, fərsizlər, gücsüzlər isə xəlvəti çalıb-çapırlar, talayıb aparırlar, beləliklə, məmləkətimizdə hamı oğurluqla məşğuldur.”
Sayfa 121 - Yazıçı, 1986Kitabı okudu
İletiler
Çingiz Hüseynov 95 yaşında vəfat etdi.
"Axı, yazıçı həqiqəti yazmaya bilməz. Cəmiyyətə, dövrana, dövlətə baxmadan doğru sözü deyə bilən yazarlar gec-tez hər millətdə yaranır. Ədəbiyyatı tamam boğmaq olmaz."
Çingiz Hüseynov
Yerusəlimdə yaşayan yazıçı Çingiz Hüseynov bugün 95 yaşında vəfat etdi. Fikirləri ilə tamamilə razılaşmasam da, yaltaqlanmadan yaşaması, qadağançılığa qarşı tənqidləri hörmətə layiqdir.
Nə dövlət kapitalizminin hökmranlıq sürdüyü SSRİ zamanı, nə də post-SSRİ dövründəki neo-oliqarxik Əliyev tiranlığı dövründə iqtidara yaltaqlanmadı, senzuralara qarşı mübarizə apardı. Azərbaycan Yazıçılar Birliyi üzvlüyündən də istefa edərək, Anar başda olmaq üzrə AYB-nin hökümət yaltaqçılığını tənqid etdi.
"Bir şeyi deməyi unutdun ki, sovet dövründəki senzura ideoloji senzuraydı, ancaq ədəbiyyata öz sözünü deməyə imkan verilirdi. İndi Azərbaycanda, ya da elə Rusiyadakı senzura isə şəxsiyyətlər, prezidentlər, dövlət aparatındakı adamlarla bağlı senzuradır. Buna əsl senzura demək olmaz. Bunun adı qadağançılıqdır."
Çingiz Hüseynov
Yorumlar ve İncelemeler
Henüz kayıt yok