Firdovsi Rəsul Sözleri ve Alıntıları
Firdovsi Rəsul sözleri ve alıntılarını, Firdovsi Rəsul kitap alıntılarını, Firdovsi Rəsul en etkileyici cümleleri ve paragragları 1000Kitap'ta bulabilirsiniz.
İllər boyu ürəyimdən silinməyən xatirələr,
Yeri, yurdu, ilki, sonu bilinməyən xatirələr...
Gör neçə il keçib, gülüm,
Səni çoxdan itirmişəm.
Yadındadırmı ilk görüş?
Bəlkə də, mən səni elə
Həmin vaxtdan itirmişəm...
Bəlkə də, heç zaman ölməyəcəyəm
Sənin ürəyində öldüyüm kimi.
Sən ayrı insansan, mən ayrı insan,
Daha baxışların mənə yad gəlir.
Dəyişdikcə illər, ötdükcə zaman
Şirin xatirədən acı dad gəlir.
Nə ayrılmaq olur, nə də qovuşmaq,
Adama deyərlər nədi bu sevgi?!
Elə bir yer tapaq, orda nə qəm olsun, nə də həsrət,
Ayrı dünya yaradaq gəl iki insandan ibarət...
Taleyim bir dərdlə rast saldı məni,
Bir nəfər çiyninə götürə bilməz.
Daha bu dünyada heç bir kəs səni
Mənim kimi tapıb, itirə bilməz.
Dünyanın qapısı, pəncərəsi yox,
Açıb çağırasan gedənlərini.
Günlərin birində fələk
Ayrı saldı yolumuzu.
Biz əvvəldən səhv elədik,
Düşünmədik sonumuzu.
Hər gecə bir ümid ölür içimdə,
Gözləmək daxili müharibədir.
Gözlərim gəzəcək səni həmişə,
İçimdə bir ümid, ölməmisən sən.
Dünən öz əlimlə dəfn eləmişəm,
Bu gün axtarıram, bəlkə, evdəsən?
Qocalar evinin pəncərəsindən
Yalnız keçmişinə boylanmaq olar.
Düşündük hər şeyi öyrənmişik biz,
Qarşıda, sən demə, hələ nələr var.
Əslində yazılan bütün şeirlər
Sənin gözlərinlə oxunmalıydı...
Gedən gedər, o sevgidən sonunda bir ümid qalar,
Zaman gələr, tamamlanar yarım qalan yaşantılar.
Silgi də, pozan da silə bilmədi
Ömür lövhəsinə yazılanları.