Hayali Gönderileri
Hayali kitaplarını, Hayali sözleri ve alıntılarını, Hayali yazarlarını, Hayali yorumları ve incelemelerini 1000Kitap'ta bulabilirsiniz.
"Ne zillet vermeye rağıp
ne devlet hâhımız vardır.
Ko gayrı gayra yâr olsun,
bizim Allah'ımız vardır."
Hayali
Küh-kenlikler ki Fehâd etdi çekdi mihneti
Aşk-bâzîlik degülmiş bildüm anun niyyeti
Levh-i dilde nakş olmuşken hayâl-i şekl-i yâr
Taşlara yazmak düşermi idi o şîrîn şüreti
Tâlib oldur sala kendin nâr-ı aşka nur ola
Aşık oldur aşk ile olmaya anun şöhreti
Aşk âşıklar işidür ey gönül Mecnun dahi
Sağ ola idi ögrenürdi şimdi benden san’ati
Ey Hayâlî da’vî-i aşk eylemek hâcet degül
Anladur aşıgun lâbüdd kişinün haleti
Derd okların ol kaşı keman cânuma atdı
Bir gün demedi bunu dahi Tanrı yaratdı
Dilden geçen oklarunu tır eyleyicek yâd
İncindi rakıbün acaba ona ne batdı
Hey ne müşkil kar imiş âlemde yâr eksükligi
Cânuma kâr eyledi bi-ihtiyâr eksükligü
Râh-ı gamda ben gubârı hâkden kaldurmayan
Rüzigâr eksükligidür rüzigar eksükligi
Sıne-i pür-dâğ ile âşık fenâdan aldı zevk
Şâm-ı gamda şem’ler yakub arar eksükligi
Kûy u dilberden ne ğam dûr etsen ey devrân beni
Çok mudur gülzâr-ı dehre bir hezâr eksükligi
İncinür pür görmese câmum Hayâli pîr-i deyr
Gösterür derviş olana ihtiyâr eksükligi
Cihân-ârâ cihân içindedir ârâyı bilmezler
O mâhîler ki deryâ içredir deryâyı bilmezler
Hayali
Şol mürid-i pır-i aşkuz kim hilâfet isterüz
Hâsılı bu yolda güstâhuz icazet isterüz
Nola himmet etseler yârun diyâr-ı vuslatın
Biz de bu aşk erlerinden bir vilâyet isterüz
Tâ kıyamet râh-ı aşkunda ölüb dirilmeğe
Bir güzel maksudumuz amma kıyamet isterüz
Tâlibüz biz fitne-i âhır zamana dostlar
Gör nice divâneler olduk ki âfet isterüz
Ey Hayâlî gerçek erler eşiğinde soyunub Bu yalan dünyâ libâsından feragat isterüz
Cihân-ârâ cihân içredür ârâyı bilmezler
O mâhîler ki deryâ içredür deryâyı bilmezler
Hayali
Bizi bî-kes sanıp ey gam yok etmekden hazer kıl kim
Cihânı yok iken var eyleyen Allah’ımız vardır.
Hayali
[ Ey gam! Bizi kimsesiz zannederek yok etmeye kalkışma; hiç bir şey yok iken var eden Allah’ın kuluyuz biz.]
Aşk içinde cânı teslim etmedür tedbîrümüz
Böyle ta'lîm eyledi evvel nefesde pirümüz
Kays bir dîvâne-i bı-kayd imiş likin bizüm
'Âleme sît-ü-sadâ salmışdürür zencirümüz
Kîmyâ-yi aşka biz mâliklerüz tâlib bize
Bir kara toprağ ise altun eder iksîrümüz
Sâki-i bezm-i kazâdur kâse-i ser sâğarı
Mey yerine kan sürer ol bezmde şemşirümüz
Ey Hayâli biz Kelâmullah-ı nâtık olalı
On sekiz bin âlem olmuşdur bizüm tefsîrümüz
Defter-i Divanımız
"youtu.be/Ew8_unY9QhA?si=...
Nur Yoldaş
Mahur
"Bihamdillah ki bî nâm u nişanız âdımız yoktur
dil-i viranemizden özge bir abadımız yoktur
ezelden mazhar-ı ışkız bizim icadımız yoktur
elemler cümle bizdendir anâ isnadımız yoktur
belâ dildendir ol dildâr elinden dadımız yoktur
gönüldendir şikâyet kimseden feryadımız