Kovara Zrîng Sözleri ve Alıntıları
Kovara Zrîng sözleri ve alıntılarını, Kovara Zrîng kitap alıntılarını, Kovara Zrîng en etkileyici cümleleri ve paragragları 1000Kitap'ta bulabilirsiniz.Sêxiştî 8 (Hakim)
• Kerîm Kurmanc
Bi xwe qazî û sultan e
Hem zîndan û hem derman e
Çi dikşînim; xwedê zane
Sêxiştî 4 ( Rûvî ) • Kerîm Kurmanc
Rûvî rûniştin li ser tac û text
Ji mêran dizîn nan û av û bext
Li wan girêdan jiyana mişext
Helbestvanên Bê Sînor • Kerîm Kurmanc
Em
Nivşên bîreweriyên kevn in
Salvegera mezinên xwe yên berê digrin
Û
Direvin ji tioriyên zanistî yên nû
Li ser nameyên xwe pûlên kevin dizeliqînin
Û
Albomên pûlên me yên kevn li sokên roşenbîriyê pir bohane
Sêxişt 6 ( Mizgîn ) • Kerîm Kurmanc
Me dil spartiye waran
Ne bayek hat ne jî baran
Ne mizgîniyek ji serdaran
*Serdar: mezinên ku cane xwe gorî dikin
Sêxiştî 3 ( Welat ) • Kerîm Kurmanc
Ey xwîn û xwena min welat
Hewsa min a ro lê hilat
Bejna xwe min kiriye xelat
Mêrên Malan • Kerîm Kurmanc
Hema ji destpêkê
Hilkişyana ser bana malê
Bo min destpêka kêşeyên jiyanê bû
Li her qunaxekî sînordare e vê jiyanê
Li zaroktiyê
Dapîra min got: Serê bana mal qedexe ye
Ku tav heyrana çavên zarokek dibe
Her tiştekî cîhanê têkel dike
Sêxiştî 9 (Bende)
• Kerîm Kurmanc
Ez delav û tu jî kanî
Ez bende me tu soltanî
Bi mizgîn kem kîjan canî?
Sêxiştî 7 ( Derman ) • Kerîm Kurmanc
Min dil daye vê şevînê
Doktor hatiye ser birînê
Dibê derman nayê dînê
Dîn : Dîtin
Sêxiştî 2 ( Mêrat 2 ) • Kerîm Kurmanc
Tu bilbila li vî baxa
Holma germe vî ocaxa
Te mêrat bir ji vî daxa
Evîna Min Û Ya We • Kerîm Kurmanc
Evîna min her wek ya we ye
Bi birûskekî nişkêvayî
dikeve nav demsalan
Dibuşkuve û gul dide .
Dirust li dem û gavên ku
ez
Qirare
fêrî Erûz û qafiyeyên helbestvaniyê bim
*Çavkanî: www.lyrikline.org
*Kerîm Kurmanc: Şairekî Xorasanî ye.
Nîşangeh • Kerîm Kurmanc
Her sal
Carekê li nîşangeha kitêban diwelidim
Qerara aşiqaneya me
Kafetiryaya başûra nîşangehê
Her sal dibêjim sala tê berhemekî helbestan çap dikim canê
Lê
Sal ku dibihure
Kêra sansorê wisa birîndar dike ku
Ciyê saxlem kes nabîne
Wekî kirasê filitî ji devê seyên har
Pişkên civakî yên helbestên min sansor
Pişkên siyasî yên helbestên min şewitî û sansor
Aşiqaneyên min sansor
Dîrok sansor
Ziman sansor
Û
…
…
…
Îsal eger ez meimûrê sansorê li nîşangehê bibînim
Hema pê zimanê xwe yê devkê dibêjim
Nifreta min jî heye
Hema bê sensor
Li Kafetiryaya başûra nîşangehê
Sêxiştî 10 (Karwan)
• Kerîm Kurmanc
Karwan çû tu hîn mayî
Cîhan raza, tu hîn payî
Tu corika bê kutahî
Sêxişt 5 ( Aşiq ) • Kerîm Kurmanc
Li ser riya man û neman
Aşiq bûye nayîne ziman
Dihejmêre sal û deman
Ez Û Te • Kerîm Kurmanc
Ji zikê dîrokekî nezewicî ketine
Ta ku
Bibin şahidê paqijiya Îsa li qiyametê
Şahidê sînorên peyv têda veşartî li ser topa erdê
Dilên me
Hatiye vegerandin dinav
Peyvnamên rojhilata navîn
Peyvekî wate nekemilî
*Çavkanî: www.lyrikline.org