Hakkında
Əlisa Nicat 1936-cı il avqustun 10-da Lerik rayonunun Zuvand mahalının Yuxarı Gədik kəndində anadan olub. 1955-ci ildə Lənkəran şəhərində 3 saylı orta məktəbi bitirib. 1957-ci ildə Azərbaycan Dövlət Universitetinin Filologiya fakültəsinin Kitabxanaşünaslıq şöbəsinə daxil olub, 1963-cü ildə oranı bitirib. 1955-ci ildə "Ədəbiyyat və incəsənət" qəzetində "Bircə söz" adlı ilk şeiri çap olunub. 1959-cu ildə yazmağa başladığı "Qızılbaşlar" romanını[1] dövrün yaratdığı əngəllər ucbatından yalnız 1983-cü ildə "Yazıçı" nəşriyyatında çap etdirə bilib. 1961-ci ildə "Gecəniz xeyrə qalsın, ulduzlar" adlı ilk hekayəsi, 1964-də ilk şeirlər kitabı olan "Yay axşamı", 1970-ci ildə isə "Bir qız, üç çinar" adlı ilk hekayələr kitabı nəşr edilib. 1967-1969-cu illərdə Azərbaycan radiosunun "Gənclik" və "İncəsənət" redaksiyalarında, ardınca "Ekran" telefilm birliyində fəaliyyət göstərib. 1973-1983-cü illərdə "Elm və həyat" jurnalında redaktor və şöbə müdiri vəzifəsində çalışıb. 1983-1990-cı illərdə Lənkəranda yaşayıb və bu dövrdə "Zərdüşt", "Əsarət bayramı", "Gərəksiz" povestlərini qələmə alıb, Plutarxın "Makedoniyalı İskəndər" (1982), Məhəmməd Tahirin "Şeyx Şamil" (1983) kitablarını tərcümə edib. 1987-ci ildə povest və hekayələrin toplandığı "Qəbilə başçısı" kitabı, 1990-cı ildə "Gəncəli müdrik" romanı çap edilib. SSRİ-nin süqutundan və müstəqilliyin əldə edilməsindən sonra 1993-1994-cü illərdə "Turan" jurnalını nəşr etdirib. Müstəqillik dövründə "Nağıllara dönən tarix" (1993), "Ruhların söhbəti" (1994), "Dünya sərkərdələri" (1995), "Dünya filosofları" (1995), "Kədər şərabı" (1997), "Dünya tarixçiləri" (1998), "Yüz böyük Azərbaycanlı" (1999), "Karvan" (2000), "Tarixin qürubu" (2009) kitabları çap edilib. Eyni zamanda bu dövr ərzində ölkənin tanınmış mətbu orqanlarında çalışıb.
1999-cu il aprelin 28-də AMEA-nın Bəhmənyar adına Fəlsəfə və Hüquq institutunun elmi şurasının qərarı ilə Əlisa Nicata səmərəli elmi və elmi-maarif fəaliyyətinə görə Fəlsəfə elmləri üzrə Fəxri Doktor adı verilib.
Bütün külliyyatı 50 cilddən ibarətdir. Bundan başqa çox sayda tərcümələri, şeirləri, esseləri, povestləri var.
Tam adı:
Hüseynov Əlisa Qulam oğlu
Unvan:
Çevirmen, Azərbaycanlı yazıçı, Tarixçi.
Doğum:
Yuxarı Gədik, Zuvand mahalı, Lerik rayonu, Azərbaycan SSR, SSRİ, 10 Ağustos 1936
Okurlar
8 okur beğendi.
68 okur okudu.
5 okur okuyor.
35 okur okuyacak.
Derlediği Kitaplar
Sözler ve Alıntılar
..illərlə gəminin sükanı arxasında dayanan sükançı birdən-birə hardansa gəlib onu itələyərək sükanı əlindən alan kobud və güclü adamdan gəmi heyətinə şikayət edir. Hamı bir-bir gəlib təzə sükançıya, onun sükan arxasında dönməz və qətiyyətli duruşuna baxıb, beləcə də dinib-danışmadan öz yerlərinə qayıdırlar. Beləcə, kütlə üçün sanki onun üzərində kimin hökmranlıq etməsinin fərqi yoxdur. Cilov nə qədər sərt və möhkəm əldədirsə, kütlə bir o qədər asan ram olur
Yalnız şiddətli surətdə sevənlər, şiddətli surətdə də kədərlənə bilərlər
Sayfa 20Kitabı okudu
Eh, görünür, kim bir səadətə çatırsa, əvəzində, hardasa, başqa bir kimsə bədbəxt olur.
Sayfa 221 - Qanun NəşriyyatıKitabı okudu
...Günorta idi. Günəş eyni amansızlıq,eyni ədalətlə hər iki ordunun başına öz qəzəb atəşini tökürdü.Bəlkə də günəş bununla bir-birlərini rəhmsizcəsinə doğrayıb tökən bu insan övladlarının odunu söndürmək,onları geri çəkilməyə məcbur etmək istəyirdi. Ancaq əbəs yerə. Günəş bilmirdi ki, bir-birlərinin başında qılınc sındıran bu adamlar dünyanın ən "dadlı" oyununa girişmişdilər. Bu oyundan isə yalnız başını uduzduqdan sonra çıxmaq olurdu.
Doğrudan da, döyüş meydanına baxanlar orada əllərində nizə və qılınc tutmuş adamların sanki rəqs etdiyini zənn edərdi. Bu, ölüm rəqsi idi.
Sayfa 322Kitabı okudu
İletiler
Henüz kayıt yok
Yorumlar ve İncelemeler
