En Yeni Mele Xelîlê Sêrtî Sözleri ve Alıntıları
En Yeni Mele Xelîlê Sêrtî sözleri ve alıntılarını, en yeni Mele Xelîlê Sêrtî kitap alıntılarını, etkileyici sözleri 1000Kitap'ta bulabilirsiniz.
Xudê me’w we ji dest nefsê xilas kit
Bi destê şêxekî murşid fena kit
Biheqqê wî nebîyyê pakê ekrem
Xudanê zat û ewsafêt mufexxem
Ji me her weqt sed barî selatan
Li wî bin ew şefî`ê me `usatan
Wekî şaxek ji darê te hilanî
Li şûna wê du-sêkek têne banî
Wekî av jê birî te hişk dibîtin
Ji ew paş av bidî jî nalivîtin
Wekî ew qenc mutî` bû bû wedî`et
Ji bo barî li nik te bê xiyanet
Ku `ern û şehwet û hem deh hewas in
û kêşan girtin û her îndîfa`in
Digel zad xwarin û zêdahî tewlîd
Bi wana ew dikit baxiyy û terdîd
Ji bo wê ra `îlac û çare nîn e
`îlaca wî bizan av j’ bin birîn e
Heta terka xur û xabê nebîtin
Ji dest wê ma kesek rahet dibîtin
Sifatê wî neqenc nayên e heddê
Beyan nabin li vê tengave `erdê
Duwazdeh quwwetê heywanî tê da
Hene heft dî tebî`î jî di peyda
Ji wê mestir me dijmin qet çunîn e
Binisbet wê bizan şeytan çunîn e
Ji ewwel ew didit meylê bi tiştan
Di peyranê dikit şîrîn şeytan
Ew e her halê nefsa bed ji hirsê
Mudamî her mijûl e b’ fikrê tirsê
Ewan teşbîh kirne ew seya har
B’gerê l’ sehrayekî mazin giyawar
Dixut rub`a ewê sehraê yekcar
Qelew d’bîtin dikit ew bo xoyî kar
Bi wê tirsê di xew ra ew diçîtin
Ewê xwarî dê bêt yan na livîtin
Wereng laxer dibîtin ew ji derdan
Ku namînit ji bil hestî di çerman
Hebin du tişt divê sê bin ewa dûn
Ku sê bin wê divê bit gencê Qarûn
Ji bo wê `arifan gotine emsal
Ji bo te jî bibêjim yek du ehwal
Li pey xab û xurê ew her dibazit
Ji bo xwe rahetî jî her dixwazit
Li wê hirsek heye bê hedd û xayet
Bi tiştek nakitin esla qena`et
Dikit karê xurê rojê ji paşîv
Firavîn hêj nehatî çareya şîv