°
Ömür bir göz qırpımında ötüb keçir, gözəl əməl və xoş xatirələr olmasa necə də ziyan olar. Hədisdə deyildiyi kimi, "fürsətlər bulud kimi ötüb keçər" hər anı qənimət bilməli və çalışmalıyıq, həqiqətən insana yalnız öz zəhməti qalar.
Bu kitab xoş xatirələr və acı ayrılıqları yaxşı çatdırır, ömür nə qədər gözəl olsa ölüm də o qədər gözəl olar, Allaha xatir olan hər şey gözəldir... Bəzi insanların həyatı insana gözəl nümunədir ki, necə sığdırmışlar qısa ömürə bu qədər gözəl xatirələri. Çoxumuz ciddi olub zarafat etməməyi böyümüşlük əlaməti olaraq görə bilərik, amma böyüklə-böyük uşaqla-uşaq olmaq, dostlarla deyib-gülmək həyatı şirin yaşamaq, və öhdəliklərimizi bilmək bizi daha mənalı həyat yaşamağa, bəlkə Allah rəhm etsə şəhidliyə gətirib çıxarar.
Oxuyucuya bu qədər təsir edən kitab, bunları yaşayana necə də ağır olmuşdur. Şəhidlik ən uca məqamdır ancaq insan geridə buraxdıqlarını görəndə təkrar düşünür, və hərkəs deyə bilməz "ürəyimi titrətdin amma imanımı əsla"...