En Eski Mihemed Omer Osman İletileri
En Eski Mihemed Omer Osman iletilerini, en eski Mihemed Omer Osman okur görüşlerini 1000Kitap'ta bulabilirsiniz.
Ez im generalê payîzê
Şifqeya li serê min ewr e
Û stêrkên li ser milê min çend pelên çilo yên rengzîvî
Sakoyê li min nermeba ye
Û şûrê min çiqlê dareke riziyayî
Ez im generalê payîzê
Payîz bêyî min sêwî ye
Ez bûm min got belê meytê siya kesk e
Pelê weşiyayî koçkirî
Bi tenê ez im ku di mihraba payîzê de
Ji bo giyanê zindî yê pelan
Nimêja şehîdan dikim Navê wê nakim nimêja miriyan...
Mihemed Omer Osman
Ez bo çi nemrim?.. Çima nebim ewrek?
Têr bigrîm bi ser bejna yarê de
Çima yar diçe û li min napirse?..
Mijek im ez di dawa payîzê de
generalê payîzê
Mihemed Omer Osman
Generalê Payîzê
Min hesûdiya jiyana qereçiyan dikir..
Ya rastî konên wan tîş û telî bûn
Meşaleya nav sermayê û pûş bûn..
Kûrayiya giyanê wan tije pêt û pereng bû
generalê payîzê
Mihemed Omer Osman
Generalê Payîzê
van Gogh
Daxa Gauguin bû.. min guhê xwe birrî
Yan bi tenê daxwaza Rachel bû?
Deriyê şêtxaneyê min bi xwe venekir
Berdbarana xelkê kilîl bû
Ku min xwîna xwe rijand tabloyê
Ku min zanî êdî roj li min nahile
Min gulleya mirinê li ser xwe danî
Lewra bedbextî dawiya wê nayê*
generalê payîzê
*Gotina van Gogh bi xwe ye (GP)
Generalê Payîzê
Mij û Moran
Ez hawara bi milyonan darên..
Ber reşebayê jipelketî û weşiyayî me
Ez fîxana bi milyonan çûkên..
Hêlînrûxiyayî û parçebûyî me
Di pencereya payîzeke ebedî re..
Ez li dinyaya mijê
Û xwîna rijiyayî ya pelan dinêrim
Ez li çirayên vemirî yê malan dinêrim
generalê payîzê
Generalê Payîzê
Birûskek
Tu zanî çima dinyaya şi'ra min.. her payîz e.. her bahoz e?
Tenê ji payîzê ye hêviya min.. payîz ji bo min nîştiman e
Ez bi xwe xurbet im.. ji min mepirse.. çi ye xurbet?..
Jiyana min derbiderî û tenêtî û jevcêbûn e.
Min her xwestiye ez bibim ewrek..
Bibarime ser bejn û bala te..
Pirpirînekek bim.. şev nîveşevekê
Bibime zuxala dora çiraya te
Em wek du şebneman e.. sibehê me dibe
Hetava bextreşiyê..
Ya em du pel in.. bayê reş î payîzê serê me datîne
Ser dawa xurbetiyê!
generalê payîzê
Generalê Payîzê
Bela
Destekî mizgîniyê li deriyê min neda
Min kesek nedî biniqute dilê wî
Zistana odeya min qir bike
Û tapoya tenêtiya min.. bike binxwelî
Tu dibê gelo wê bê berî ku gorek
Bejna min têxe himbêza xwe ya reş?
Bi hêsirên xwe min bişoyê û xweliya dil
Bibe pereng ji nû ve li laş?
generalê payîzê
Generalê Payîzê
Êvara Payîzê
Êvar e
Û wizîna ba tê..
Ewran asman girtiye
Êvar e
Û dara payîzê ahenga mirinê digerîne..
Pel rabûne govendê
Êvar e
Û li nav komek sîtavka rêwiyan ez ê tenê..
Ji serma.. dilerizim
Û gava xwe davê'm jêr baskê taviya baran û rêjnebaranê
Êvar e
Û ez ê bêsako.. bêsîwan..
Sirr û serma ne xema min e
Êvar e
Û dilê kesî bi xema min naşewite..
Ax li wan rojên reş ên min dîne!
generalê payîzê
Generalê Payîzê
Birûskek
Ez giriyam û kesek nebû ji min fêm bike..
Bû xwelî baxçeyê hêviya min
Ez giriyam û kes nebû dilê xwe yî berfînî bigre dest û
Kirasê min î reş bidirrîne ji ser min
Heta dinya bû sayî.. ez her rawestabûm..
Kesî qedeha dilê xwe neanî
Û bi ser ve çû surahiyê çavê min
generalê payîzê
Generalê Payîzê