Mîna Acer Gönderileri
Mîna Acer kitaplarını, Mîna Acer sözleri ve alıntılarını, Mîna Acer yazarlarını, Mîna Acer yorumları ve incelemelerini 1000Kitap'ta bulabilirsiniz.
hûn çawa dihelin guharên jinekê ji guh werin xware
destên we çima kulilkan dirêjî wê nakin
çirayên qesrên hundir vemirîn
sê dana nexweş mam li ser wê doşekê dengê min di guhê dinyê de bû stran
di yê te de nebû vizîna kelmêşekê
ji wê rojê de ye dua dikim
xwedêyo
xewnên qîzên bavan tim gulgulî bike
sê cara min maç kir qelbê pênûsa te
û got destên li bejna te digere
ne layiqî bedewîya min e
ji ber ku her şev çavên min
bijangên xwe diweşîne
ji bo ku tu pê lê bikî
hêsir binê nigê te şil bikin
destên min çi qasî ji qulpa wî hez dikir te serî berda erdê
mifte guhert
li ber derî hiştim
ji wê rojê de tiştek bûye girêk di qirika min de
ken xwe lê nagire
girî lê nayê
Hezkirin
min berê ji destên wî hez kir ji dewsa maçên wî qonax çê kir li sînga xwe kir rawestgeh jê re
min ji hatina wî hez kir
bi bêhna qurnefilan
bi tama sêv û alûcan
û min
ji kenê wî hez kir
li asîmanan
di binê keskesoran re derbas dibû
Bêriya dayikê
îroj min di ser aveke giramokî re gav kir yade
pelik û her du guliyên min weşîyan zanim êdî tu tune yî paxila min maçı biki carina mista xwe tije av dikim li ser rêya ku tu tê re derbas dibûyî disekinim
li benda te bi erde de dihere giştek
dixwazim bêm satila xwe bavêjimm wê bîra pişt xêni
gava giran hat nikaribim
tu ji destekî xwe bavêje weris
bikişîne bi min re
Duayê dê
şeva leyletul qedrê bû
dêya min her du destên xwe vekir
û got ya rebbil alemîn
tu bext û text bide qîza min
mala wî ava
temen negîhand wê roja bextewar
bextê qîzê bi qîrê
text bi derewan şuştin
xewxweşîya xeyalên dêya xwe
cihê me li ser wê sifrê tune bû
me li dorê bilîsta
min tu bi bêkestilorandî di zik de
tu nebûyî kesa min
de lorî lorî
stêra min lori
bavik tu kuşti
dayik bi gorî
min pir dil dikir
carekê te çavên xwe li paceya min vekira û kulilka wê guldankê av bidaya heta ku ez bihatima
ez nema tiştekî qewl dikim
her heft xizêmên te ji min re kiribûn dîyarî
li der rê min kir tesedeqa serê nehatina te li heft jinên qereçî belav kirin
li benda hatina te min ji bîr kir hemû cîyên neçûyî
ji kenê te li bejna şevê stêrk
ji dengê te li ser lêvê straneke hezarawazî
ji girîyê min dilopên delodîn kom dibin.
wê rojê
jînê gulîyên xwe kur kiribûn
şîn digerand
min teze ris diristin radiçandin ji bejna xwe û te re
te digot hela bisekine
hina sar nebûye qedeha çaya me ya oxirê
sê cara min maç kir qelbê pênûsa te..
kaleminin yüreğinden öptüm üç defa…
Sayfa 48 - Weşanxaneya LîsKitabı okudu