En Beğenilen Mitan Şareza Sözleri ve Alıntıları
En Beğenilen Mitan Şareza sözleri ve alıntılarını, en beğenilen Mitan Şareza kitap alıntılarını, etkileyici sözleri 1000Kitap'ta bulabilirsiniz.
Ey sitargeha min
Min gunehkar neşîne
Sayfa 59 - Weşanên LîsKitabı okudu
"Dîdarên pakîya rewan
Zîldana peyvên herî hêja û kibar
ku bibin rêwîyê rêya we yê bi kêrî tiştekî neyên
lê navên gelekan di janên jehrdayî de qusîyan"
Dilê min îşev li min gilî kir
Ew ê werin ronahîya çavên min
dilop dilop hêsirên min ji min bidizin
Ew ê werin di tarîbûna bîrên neyarî de
li hestîyên laşê min bigerin
Dilê min îşev li
"Bi taya helbestekê ketime
eyyy êvar, li min mikur bê!
Naqede teqînên tengijîyan di neqebên min de
eyyy êvar, li min mikur bê!"
Rengên min diselitîn pêxemberê bitifaq
Naxwazim nemrûda di termê xwe de bikim masî
Naxwazim
Serwerîyên xewarîyê ye, dijmêrim
Kewarên xewnan bi tac û kabûs
Ji dar û devîyên wan
Xemgînîyê diçînim, bi dilekî pêxwas
Li min rûdine yezdanekî ji warê bîyan
Dibim deng ji ewran, reng ji payîzan
Dibim stran
Mazûbanê êşan
Nizanim çend milyar salan, ez ê ji te hez bikim...
Sayfa 10 - Weşanên LîsKitabı okudu
"Keran kêr dike, lêvên deryaya êvaran,
ji tenêtîyê re mazûban, Keran kêr dike."
Her rojên te yên ku bi min ketî, di ser min re gav dike
û pirsa dûrîya ku te li cem min hiştiye nake
Tu dibêjî qey ez bûme minafiqê rast û çepê evînê
Nêzî mêzîna dilê min nebe
Nikarim, tiştên ku te li peravên şevan
dikir himbêza sibehan hilgire
Nikarim,
We bi xwîna Kurdan destnimêja xwe girt
We fitira xwe jî bi goştên zarokan vekir
We sînga dayika me ya pîroz jî, kir șujde ji xwe re
De êdî Xwedayê we jî were
Rojava
Dojeh e ji we re
Sayfa 78 - Weşanên LîsKitabı okudu
Û êdî goristana bêxwedîyan e dilê min
Sayfa 30 - Weşanên LîsKitabı okudu
Êdî Tu Berken Bereh î
"Reşayîya şevê dema ku hêsirên xwe,
bi rûpelên heyvê paqij kir,
min gurzek hest di kefa sînga xwe de,
ji bo asîmanên Berken Bereh bi firê xist."
Rûbareke li ber derîyê fetisandina xwe, bi kulmek av
xemfiroşîya welatekî, li te dada
û lehîyek êş di sînga te de, bir xwarê
Êdî tu
bi çar dojehan birîndar î
Êdî tu
bi ramûsnên zarokên xwe yên mirî Xemistan î
Êdî tu
ji demsalan re, nameyeke zindanî yî
Êdî tu
di kemînekê de, pêşmergeyekî 16 salî yî
Êdî tu
pênûseke siwarê xemgînîya dayikan î
di qada reş û sipîyan de
Êdî tu
di axa welatê xwe de tov
di gîyanê me de xunavîya dilxweşîyê yî
û êdî tu
di paxila sêdaran de
helbestvan î!
Helbestvan!
"Nizanim êdî, di ser kê de kirasê helbetên xwe biçirînim"
Dibêjin ku kulmek ax jî, ji çavan re dibe mirin
Ku ew qas bajar, ew qas rê, baran û bager
û bi dehan welat
Behr û çîya di navbera meriv de bin
Nizanim rast e?
Lê wisa be
çima ji şevan re, bi dizî navê te dibêjim?
"Zimanê min û şevê jêkirî ye
koçberekî dawîya temenê bayê sibê me"
Têkçûnên min li ser vê axê mirinê dadigirin
Navên kîjan deverê li xwe dikim
rêya neçûnê dide ber min
Têkçûnên min li ser vê axê
Ji pirsan hînî parsekîyê bûye
Ji tirsan derewîn bûye
Kor î kût
Hişîyar dibe rojên min
û gavên min li ber pêlan
cangorîyê evîneke neçar e
Lal û ker digerin dînên dilê min
Lê navê straneke bîyanî ye
di çermên axê de bûye gor
Texsîr neke
Galgalên ku ji pûşên kayê
di dev û pozê hêvîyên min de
bênderan bi cî dike
û neçarîya min ji beytikên zivistanê re name ye
Têkçûnên min, li ser vê axê
hirîya bê diqusîne
şivanekî bajarî ye