Hakkında
Unvan:
Yazar
Okurlar
2 okur okudu.
Sözler ve Alıntılar
Дербентдай хъфидайла Шагьабудинaн автомашинда чирхчир милициядин подполковник акьахда. Рехъди гадайри хъуьруьнар-зарафатар ийизвай. ЛукIарин постунал агакьдайла сада гьарайна:
- Яда, Шагь, яваш гьала!
Шагьабудина адаз гьич ябни ганач. Постунал агакьнамазди ам яргъи сиристав яна акъвазарна.
- Гила кIевиз акъваз, кьей хва Шагь, кицІери ви туьфте цавуз акъудда.
- Абурулай вуч алакьда эхир, я дуст, чIехи ампа чахъ галайла, - хъуьрезвай вилер подполковникдилай аладариз, - рахана Шагьабудид, гьич машиндайни экъечӀ тавуна.
Sayfa 68
Куьчейра къугъвана хтай хтулдивай чIехи бубади хабар кьада:
- ГьикІ я, чан хтул?
- Хъсан я, буба.
- Хъсан хьайила, хъсан жедайди я, чан бубадин. Садрани писзава лугьуз тахьуй. Масадаз шел-хвалдай чкадал гъимир жув.
Sayfa 70
Гьаятда кардал машгъул бубади айвандик квай чIехи хтулриз яд гъваш лагъана гьарайда.
- Хьуй, буба,- жаваб агакьда адав.
Вахт алатна, яд гваз касни акъатдач. Мад Гьарайда бубади.
- Я аялар, куьне Гъизвай яд гьинва эхир?
- Исятда, исятда, буба,- жаваб вахкуда къугъвазвай аялри.
Гъидач xьи яд, абуру, гъидач. Эхир бубадин къвалав гвай кьуд йисавай хтулди лугъуда:
- Буба чан, гъидач абуру яд. Вач, фена жувазни хух, зазни хкваш.
Sayfa 69
Редакциядиз хатадай аватай хьтин са корреспондент хъуытуын къишлахрал чубанрин патав рекье твада. Фидайла ам таъкимарнавай: “Килиг гьа, чубанрин яшайишдиз кьетIен фикир це, жезмай кьван татугайвилер гзаф жагъура”.
Чкадал фейила корреспондентдиз нукьсанар акунач. Макъала кхьидaйлaни ам кIеве гьатна. Са цIар кьванни критикaдин тах квайди хьуй лагьана ада кхьида: “Чубанар яшамиш жезвай кІвале цIай къула хъийизвай ва гумни гурмагъдай акъатзавай”.
Корреспондентдин макъала кIелайла редактор сифте хъуьрена, ахпа ажугъламиш хьана. Эверна ада касдиз ва хабар кьада:
- Я дуст кас, ибур вуч гафар я на кхьенвайбур?- кIелда цIар.
- ГьакI авай ман. ЦIайни къула хъувунвай, гумни гурмагыдай физвай.
- Я хва текьей кас, бес ваз гум ви тумунай фена кIанзавайни?
Sayfa 105
Совхоздин багъдиз пер яна хтанвай Семед гьаятда эцигнавай куьгьне дивандал агалтнавай. Адахъ ерли аман амачир. Гьа и арада аудан патав кIек къведа. КІвалинбуру гaлaйвал ийиз вердишарнавай кIекре Семедан кІвачериз, ахпа атана Гъилeризни кIуф яда.
- Квахь, алат залай, кьей хва, - лагьана Семеда къуш чукурна.
Ваъ, ам мад хтана. Семеда мад катарна. КІекре, мад хтана, кIуф язaвa Гададиз. Лап хъел атай ада эхир гьарайна:
- Алтат залай, я кьей хва, алат, тахьайтІа, за вазни дахдив свас гъиз тада.
Sayfa 105
İletiler
Henüz kayıt yok
