Hakkında
Nicat Kazımov 1993-cü ilin 21 mart tarixində Azərbaycan Respublikasının Gəncə şəhərində andan olmuşdur. Təhsilini, Gəncə şəhərində yerləşən Cəfər Cabbarlı adına 6 saylı orta məktəbi bitirib. Bakı Dövlət Universitetinin Beynəlxalq münasibətlər və beynəlxalq hüquq fakültəsində təhsil aldıqdan sonra, 2011-ci ildə Fransanın Korsika adasının Korte şəhərindəki Paskal Paoli universitetinin hüquq fakültəsinə qəbul olunmuşdur. 2012-ci ildən etibarən Strasburq şəhərində hüquq və Modern ədəbiyyat ixtisası üzrə təhsilini davam etdirir.
Yazıçı eyni zamanda Fransada yaradılmış Kəpəz Nəşriyyatının yaradıcılarından biridir. Fransada ilk dəfə azərbaycanlı tərəfindən yaradılmış nəşriyyat Azərbaycan və dünya ədəbiyyatının klassik və modern əsərlərinin çapı ilə məşğuldur. Məsələn: Əhməd bəy Ağaoğlu ''La Réfome du Monde Musulman'', Nəriman Nərimanov ''Bahadir et Sona'', Edin Hadzic ''Nisan'', Cuma Kiliç ''Cuma Günü'', Hüseyn Abbaszadə, ''Vous êtes d'ou Monsieur Abel?'', Azərbaycan Ədəbiyyatı Antologiyası XIX əsrdən günümüzə (Anthologie de la litterature azerbaidjanaise), Məmməd Əmin Rəsulzadə ''Les Souvenirs de la révolution avec Staline'' (Stalinlə ixtilal xatirələri), Qırğızıstan atları: Tchar.
Yazıçı hazırda Fransada yaşayır. "İblisin Oyunu" romanının müəllifidir. 7 noyabr 2014-cü il tarixindən yazıçının fransız dilində yazdığı "Rəngli Daşlar" (fr. Les pierres en couleurs) romanı Fransanın məşhur "Pantheon" nəşriyyatı tərəfindən çap edilib. Yerli mətbuatın verdiyi məlumata görə onun kitabı Fransa ilə yanaşı, Kanada, İsveçrə, Belçika və digər frankafon ölkələrdə satışdır.
Yazıçının Rəngli Daşlar (rus. Разноцветные камни) əsəri tərcümə olunaraq, "Юридический центр" nəşriyyatı tərəfindən Rusiyada çap olunmuşdur və nüfuzlu kitab mağazalarında 2015-ci ilin dekabr ayından satışa çıxarılmışdır.
Tam adı:
Kazımov Nicat Mikayıl oğlu
Unvan:
Yazar
Doğum:
Gəncə, Azərbaycan, 21 Mart 1993
Okurlar
6 okur beğendi.
58 okur okudu.
1 okur okuyor.
24 okur okuyacak.
1 okur yarım bıraktı.
Sözler ve Alıntılar
Rəngli Daşlar 2014
İllaya gəlincə, əgər bir gün təsadüfən rastlaşsanız, ona de ki, sənin xoşbəxtliyin Əfşarın bədbəxt hekayətinin uğurlu sonluğu idi.
"Qoy onun xoşbəxtliyi bədbəxt həyat hekayətimin uğurlu sonluğu olsun."
Şimalda bolşeviklər, cənubda İran hökuməti müstəqillik hərəkatının üzvlərini repressiyaya məruz qoyur, vətən övladlarını, mütərəqqi ziyalıları sürgünə göndərir, güllələyir, ölümə məhkum edirdilər. Birində şahlıq, digərində sosialist rejim olmasına baxmayaraq, hər iki tərəfin də mahiyyəti eyni idi. Olan isə xalqa olurdu. Bir tərəf cəhalət zülmətinə qərq edilir, digər tərəf isə sosializm ideologiyası ilə öz köklərindən uzaqlaşdırılırdı.
"Həyatın mənası öz dəyərini sənin baxışınla qazanır. Ya həmişə bir nöqtəyə baxarsan, həyatın su kimi axıb gedər, heç nəyin fərqində belə olmazsan. Ya da baxdığın nöqtənin ətrafını da görərsən, həmin gözəllikləri sezib həyatın mənasını dərk edərsən, axıb gedən zamanın da bir məna qazanar".
Bilirsənmi ki, sevdiyi qadını geri döndərə bilmək üçün gizlin-gizlin ağlayan nə qədər kişi var?!
İletiler
Həyatın mənası öz dəyərini sənin baxışınla qazanır. Ya həmişə bir nöqtəyə baxarsan, həyatın su kimi axıb gedər, heç nəyin fərqində belə olmazsan. Ya da baxdığın nöqtənin ətrafını da görərsən, həmin gözəllikləri sezib həyatın mənasını dərk edərsən, axıb gedən zamanın da bir məna qazanar.
Madam Floranın Rəngli Daşları
Yorumlar ve İncelemeler
