Most Liked Nəriman Həsənzadə Quotes
You can find Most Liked Nəriman Həsənzadə quotes, most liked Nəriman Həsənzadə book quotes, the most impressive sentences and paragraphs on 1000Kitap.Düşmənimiz də şərəfli olmadı...
"Adıgözəlov Hafiz Ramiz oğlu 1990-cı ilin yanvarında Qazax rayonunun Bağanis Ayrım kəndində anadan olub. 1990-cı il martın 24-də ermənilər bələyinə benzin töküb yandırıblar. Dünyada cəmi iki ay yarım yaşayıb. Gənc anası köməyə gələndə onun da üstünə benzin töküb yandırıblar. Kənddə danışırdılar"
Sayfa 59 - Bütün millətlərə, beynəlxalq məhkəməyəKitabı okudu
OLAYDI
Yenə səfərə çıxaydıq,
yenə o vaxtlar olaydı.
Yenə yuxusuz qalaydıq,
o gecə təkrar olaydı.
Bir əldən şərbət içəydik,
buyur, buyura keçəydik.
Oturmağa yer seçəydik,
kaş yerimiz dar olaydı.
Ürəyimi açıb sənə,
yalvaraydım dönə-dönə.
Pərişan saç, açıq sinə,
göz yenə xumar olaydı.
Unudulmaz o haqq-hesab,
nə o sevinc, nə o "əzab".
Sənə qurban, səndə insaf,
məndə ixtiyar olaydı.
Sayfa 345
DÜNYA KİMİSƏN
Bilmirəm kim sənin xətrinə dəyib,
dəyişib gördüyüm o üz, o surət.
Sənin gözlərində qəm çiçəkləyib,
mənim ürəyimdə o qəmə hörmət.
Sən elə incəsən, sən elə həssas,
fikirin oxunur daim gözündən.
Gülüş azaldırdı yaşını bir az,
qəm yaşlı göstərir səni özündən.
Qar düşür, gün düşür, dərəyə-düzə,
ana təbiətin hökmünə əhsən!
Gülüş də yaraşır, qəm də bir üzə,
gecəli-gündüzlü dünya kimisən.
Sayfa 296
Bir az yadlasibsan,dogmalas bir az...
Yanina gelmisem tezeden kusek
Tezeden barisaq, gorek olurmu?!
QƏRİBLİK
Sən yatırdın... yuxudaydın hələ sən,
kim qıyardı gedib vaxtsız oyada.
Yer kürəmiz fırlanmırdı deyəsən,
zaman bir az ləngiyirdi dünyada.
Qanadımı mən üstünə gərirdim,
alışırdım gizli-gizli bu oda.
Mən ilk dəfə qəribliyi görürdüm,
səndən ayrı,
amma sənin yanında.
Sayfa 278
Elə dayanırsan, elə baxırsan.
Elə dayanırsan, elə baxırsan,
Elə bil qarşında quru bir daşam.
İpək saçlarını bir vaxt oxşayan
Elə bil hardasa mən olmamışam.
Səni dostlarımla, tanışlarımla,
Mən tanış edərdim nə vaxtsa bir-bir.
İndi özgələri yad ehtiramla,
Deyirlər tanış ol...
Nə qəribədir?!
Yuxuda görərdin nə vaxtsa hər dəm,
Yolumu gözlərdin yollardan uzaq.
Mən sənin yuxundan çıxıb gəlmişəm,
Bu da bir yuxudur, gəl tanış olaq.
Qoluna girərdim... bu, yadındadır,
gedərdik... yolumuz , arzumuz şərik.
Qolum qollarının lap yanındadır,
toxunsa biz indi üzr istəyirik.
Hayanda oldumsa səhər, ya axşam,
Aradın sən məni, gördün sən məni.
İndi gözlərinin qabağındayam,
Hayanda durum ki,
Görəsən məni?