Nəriman Həsənzadə Gönderileri
Nəriman Həsənzadə kitaplarını, Nəriman Həsənzadə sözleri ve alıntılarını, Nəriman Həsənzadə yazarlarını, Nəriman Həsənzadə yorumları ve incelemelerini 1000Kitap'ta bulabilirsiniz.
Elə dayanırsan, elə baxırsan,
Elə bil qarşında quru bir daşam.
İpək saçlarını bir vaxt oxşayan
Elə bil hardasa mən olmamışam.
Səni dostlarımla, tanışlarımla,
Mən tanış edərdim nə vaxtsa bir-bir .
İndi özgələri, yad ehtiramla,
Deyirlər tanış ol., Nə qəribədir ?!
Yuxuda görərdin nə vaxtsa hər dəm,
Yolumu gözlərdin yollardan uzaq.
Mən sənin yuxundan çıxıb gəlmişəm,
Bu da bir yuxudur, gəl tanış olaq.
Qoluna girərdim, bu, yadındadır,
Gedərdik ,yolumuz, arzumuz şərik.
Qolum qollarının lap yanındadır,
Toxunsa, biz indi üzr istəyirik.
Hayanda oldumsa səhər, ya axşam,
Aradın sən məni, gördün sən məni.
İndi gözlərinin qabağındayam,
Hayanda durum ki, Görəsən məni?
Nəriman Həsənzadə
Sənlə sevincim var, sənsiz qəmim var...
Sən ordan pıçılda eşidim səni,
Özgəsi çağırsa ona karam mən....
Nəriman Həsənzadə
Sən ordan pıçılda eşidim səni,
Özgəsi çağırsa ona karam mən.
Nəriman Həsənzadə
HAZIRCAVAB
-Dondurma al.
-Soyuqdu,
donarsan.
-Eybi yoxdu.
-Dişin göynər.
-Udaram.
-Üstün batar.
-Tutaram.
-Soyuq dəyər.
-Qaçaram.
-Bərk bükülüb.
-Açaram.
-Buz kimidi.
-Qızdıraq.
-Harda?
-Qazda.
-Yeyim, bax.
1980
Nə qəribədir..
Elə dayanırsan, elə baxırsan,
Elə bil qarşında quru bir daşam.
İpək saçlarını bir vaxt oxşayan
Elə bil hardasa mən olmamışam.
Səni dostlarımla, tanışlarımla,
Mən tanış edərdim nə vaxtsa bir-bir.
İndi özgələri, yad ehtiramla,
Deyirlər tanış ol, nə qəribədir?!
Yuxuda görərdin nə vaxtsa hər dəm,
Yolumu gözlərdin yollardan uzaq.
Mən sənin yuxundan çıxıb gəlmişəm,
Bu da bir yuxudur, gəl tanış olaq.
Qoluna girərdim, bu, yadındadır?
Gedərdik, yolumuz, arzumuz şərik.
Qolum qollarının lap yanındadır,
Toxunsa, biz indi üzr istəyirik.
Hayanda oldumsa səhər, ya axşam,
Aradın sən məni, gördün sən məni.
İndi gözlərinin qabağındayam,
Hayanda durum ki, görəsən məni?
Nəriman Həsənzadə
SƏN BAĞIŞLADIN
Bəstəkar: Emin Sabitoğlu
Mənə üfüq boyda geniş səmanı,
göydə buludları, yerdə dumanı,
dənizdə dalğanı sən bağışladın,
bu hüsnü-mənanı sən bağışladın.
Uzanan yolların dümağ sətrini,
dünyanın ən gözəl çəmən ətrini
qumlu sahillərdə sən bağışladın,
o zərif əllərdə sən bağışladın.
De, nədir səadət həyatda, gülüm,
bir könül xoşluğu, bir az təbəssüm.
Onu da, bunu da sən bağışladın,
dünyanı dünyada sən bağışladın.
1978