Orxan Həsəni 1998-ci ildə doğulub. İlk kitabı "Metro terminalının sevgisi" 2019-cu ildə çap olunub. Absurd və postmodern hekayələrdən ibarət olan "Füzulinin dişi" kitabı 2021-ci ildə çap olunub. Esseləri və publisist yazıları dövri mətbuatda dərc olunur.
Həyat onsuz da amansızdır, kərgədanların buynuzu olan dünyada hər şey mümkündür. Ya o dünyanın gözəlliyi ilə yanaşı addımla, ya da arxasınca bax, gözəl günlər, elə gözəl günlərdir.
İndi mənə desələr ki, xoşbəxtsən, ya bədbəxt, cavab tapa bilmərəm...hər şeyim var. Amma, nə olsun? Bəyəm belə şeylərlə adam xoşbəxt olur? Xoşbəxtlik üçün gərək dəli olasan.