Yaxşı olma, yaxşılıqdan ötəri,
Yaxşılıq et, qoy olmasın xəbəri.
Ək, dünyada birə yüzdür səməri,
Qızıl taxıl dənəsidir yaxşılıq,
Kimə versən dönəsidir yaxşılıq.
Yaxşılığa qoyulmayıb tərəzi,
Yaxşılıq et, sil qəlbindən qərəzi.
Səni bəzən mən zorladım,
Qan uddurdum, qan qusdurdum,
Oxuduğun yerdə səni mən susdurdum.
Mən gürz etdim döyüşlərdə
Səni, ürək
Yastıladıb kitab etdim.
Döydüm səni qılınc etdim,
Alov çəkən hisslərimə
Seni nazlı balınc etdim.
Mən ağlımı səndən aldım,
Mən eşqimi səndən aldım.
Mən gücümü səndən aldım
Sənə heç nə qaytarmadım.
Mən öləndə səni, ürək,
Bir parafin şüşəsində
Saxlasınlar...
Hər gün səni yoxlasınlar.
Mən bilirəm, mənsiz qalıb
Sən həyatdan bezəcəksən.
Onda məni sən axtarıb
Gəzəcəksən...
Arxamca kölgəm yox,
Mənimlə qol-boyun olub gecələr.
Yanıma gələndə əyri görünür
Gözümə düz yollar,
Sərrast küçələr.
Gözümdə bir ayrı quyu qaralır,
Şübhəm gizlənmişdir həmin quyuda.
Huşumu başımdan o elə alır,