Xəlil Rza Ulutürk Gönderileri
Xəlil Rza Ulutürk kitaplarını, Xəlil Rza Ulutürk sözleri ve alıntılarını, Xəlil Rza Ulutürk yazarlarını, Xəlil Rza Ulutürk yorumları ve incelemelerini 1000Kitap'ta bulabilirsiniz.Afrikanın səsi
Azadlığı istəmirəm zərrə-zərrə,qram-qram:
Qolumdakı zəncirləri qıram gərək!
Qıram!
Qıram!
Azadlığı istəmirəm bir həb kimi, dərman kimi;
İstəyirəm Günəş kimi!!!
Səma kimi!!!
Cahan kimi!!!
Silahlan!
Yox...sən ölməməlisən!
Hələ ki, gedib-gələn nəfəsinlə silahlan!
Qəfəsdəsənmi? Qır, sök, qəfəsinlə silahlan!
O qızın dedikləri
Bir çeşmə gördük ki, dupduru, qaynar.
Dedi: –Hansı qoca bundan doyunca
İçsə, on beş yaşlı bir oğlan olar.
Baxdım, xeyli baxdım o göyçək qıza,
Düşündüm: insafsız, heç demirsən bəs
Dünyada kim sənin sevgilin olsa,
Bütün ömrü boyu qocalmaq bilməz.
Mənim qanadlarım - nifrət, məhəbbət
Bu iki qaynaqdan könlüm rəng alır,
Ucalıq görəndə əyilən başım
Alçaqlıq görəndə kinlə ucalır.
Davam edir 37
Bu dünyada otun, suyun, torpağın da yaddaşı var.
Sındırılmış bir budağın, söndürülmüş
ocağın da yaddaşı var.
Ona dedim: - Gözal qız, nə qəşəng gözlərin var
O gözlərlə aləmə șərik baxsaq, nə olar?
Dedi: - Mənim öylə bir gözəl yarım var ki, bil:
Onun tamaşasına iki göz də bəs deyil.
ALDANMAYAQ!
Dünən mənə zərbə vuran bu gün məni salamladı.
Bıçağı vuran əlləri ilə məlhəm qoydu, sığalladı.
Aldanmayaq! Gədaların min üzü, min canu vardir.
Üzdən quzu görünsə də içəridən canavardır!
Tanrının qələmi səni əzəldən
Bu mavi gümbəzin bəxtinə yazdı.
Bəlkə ayla günəş qoşa da çıxsa,
Sənsiz bu kainat işıqlanmazdı.
Zər şüalar darağındı, göy qurşağı qolbağındı.
Bağban gülün, gül bağındı, mən səninəm, sən mənimsən.
Dağ selindi, sel dağındı, gözüm bir cüt çırağındı.
Kim deyir can torpağındı, mən səninəm, sən mənimsən.
Qumru kimi ötənimsən, çəmən kimi bitənimsən.
Addımlayan Vətənimsən, mən səninəm, sən mənimsən.✨
Xəlil Rza Ulutürk