Çok istediğim cânımı cânânım içündür
Cânânımı çok istediğim cânım içündür
Ah eylediğim âhü tek anber nefesinden
La’lin sıfatı ağladığım kanım içündür
Hunin-i ciğerim gamze-i bürrânın elinde
Şüride gözün dide-i giryânım içündür
Hün-hâr gözün nize-i müjgânı cem’ etdi
Bildim bu tedârik dil-i virânım içündür
Feryâd-ı seher ü nâle-i şâm u âh-ı ciğer-süz
Vü kan ağladığım bir gül-i handânım içündür
Cânım yakılur âteş-i hicrân ile ammâ
Hasret odu bu külbe-i ahzânım içündür
Cem’ oldu temâşâya Nigâri kamu âlem
Gördüm ki benim nâle-i süzânım içündür
Canlar cananını buldum
Bu canım yağma olsun
Aşsı ziyadan geçtim
Dükkanım yağma olsun
İkilikten usandım
Birlik hanına kandım
Derd-i şarabın içtim
Dermanım yağma olsun
Ben benliğimden geçtim
Gözünü hicabın açtım
Dost vasfına eriştim
Gümanım yağma olsun
Yunus ne hoş demişsin
Bal u şeker yemişsin
Ballar balını buldum
Kovanım yağma olsun
Severim ben seni candan içeri
Yolum vardır bu erkandan içeri
Beni bende demem bende değilim
Bir ben vardır bende benden içeri
Ey çok kitaplar okuyan sen mi tutarsın bana dak
Tâ bilesin sırrı ayan gel aşktan oku bir sebak
Ger sen seni bildin ise sûret terkin urdun ise
Sıfat nedir bildin ise ne kim edersen bana hak
Gelse celalinden cefa
Yahut cemalinden vefa,
İkiside cana safa:
Kahrın da hoş, lutfun da hoş.
Ger bağ-u ger bostan ola.
Ger bendü ger zindan ola,
Ger vasl-ü ger hicran ola,
Kahrın da hoş, lutfun da hoş.