İnceleme spoiler içerir
Salamlar hamıya.
Volter özü bu əsəri bekarçılıqdan yazdığını söyləyib və bəzi hallarda müəllifliyindən boyun qaçırdıb. Əsərin əvvəlindən sonuna kimi Kandidin başına gəlməyən bədbəxt hadisə qalmır. Kandidin öz fəlsəfə öyrətməni doktor Panqlos belə fikirdədir ki, "ayrı- ayrı bədbəxtliklər, ümumi xoşbəxtliyi törədir, ona görə də belə bədbəxtliklər nə qədər çox olsa, bir o qədər yaxşıdır".
Kandid əslində xoşbəxtliyi qızıldan olan əfsanəvi şəhər Eldoradoda tapır. Ancaq bu xoşbəxtlik müvəqqətidir, Kandid ayrı düşdüyü sevgilisi Kuniqundaya qovuşmaqdan ötrü şəhərdən çıxıb gedir. Əfsanəyə görə, Eldorado şəhərində hər şey qızıldan hazırlanıb. Əsrlərdən bəri xeyli sayda səyyah Amazon çayı və meşələri boyunca Eldorado şəhərini axtarsalarda bir nəticə alınmamışdır.
Kandidin xoşbəxtliyi Eldorado da tapması təsadüfi hadisə deyil. Yazıçı bununla xoşbəxtliyin mövcud olmadığını bildirir və Kandidin bu şəhərdən ayrıldıqdan sonra getdiyi hər yerdə uğursuzluğu davam edir. Ürəyi getdiyi sevgilisi Kuniqundayla qovuşmağıda istədiyi kimi olmur.