Kitabı ilk görəndə mənə maraqlı gələn adı oldu, cinsəllik və fəlsəfənin bir biriylə necə əlaqəli olmasını bilmək istəyirdim.
Böyük kütlə tərəfindən sadəcə cinsəllikdən, şiddətdən ibarətdir, ancaq mənim üçün bundan daha artığı oldu. Açığı digər şəxslərdə olduğu kimi məni pik həddə narahat edəcək heçnə oxumadım. Kitabda çatdırılmaq istəyən əsas fikir hər bir şəxsin öz qərarlarını digər şəxslərdən, dindən asılı olmayaraq müstəqil verməsidir. Belə ki, kitabda verilən bu ifadə daha yaxşı izah edir: "Sizin bədəniniz sizindir, təkcə sizə məxsusdur və bütün dünyada ondan istədiyiniz kimi həzz almaq hüququ təkcə sizindir ". Kitabın nəzərdə tutduğu əsas mənanı, yəni ümumi şəkildə çox bəyəndim,hər nə qədər mentalitetimizə və dinimizə uyğun olmasa belə, bunun düşündükcə ən doğru fikir olduğunda qərarlaşdım, gözümüzlə görmədiyimiz dini kitablardan başqa heç yerdə cinsəlliyə sərhəd qoyulmur və ayıb bir şey olaraq baxılmır. Həmçinin, kitabda tanrının varlığı, onun hazırki cəmiyyət həyatına etdiyi toxunuşlara da münasibət bildirilir. Əlbəttə hər kitabın müsbət tərəfləri olduğu kimi mənfiləri də vardır. Qadın obrazlarının zəif və kişidən asılı olaraq göstərilməsi, partnyorların tək məqsədinin bir birilərini deyil də sadəcə özlərini məmnun etməsini, təcavüzə normal baxılmasını və s.dir.
Bütün bu hadisələr 2 günlük seksual təhsil almaq üçün gələn Ejeninin ətrafında cərəyan edir. Kitab, oxucuları metafizikadan estetikaya, fəlsəfədən tarixədək bir çox mövzu ətrafında düşünməyə vadar edir.
8/10