Kitabın M.K.Atatürk barəsində yazılan ən fərqli əsər olduğunu söyləmək olar. Yazıçıya görə nə qədər Atatürkün şəxsiyyəti, bacarığı, ambisiyaları yüksək olsa da, talehin gətirdiyi fürsətlər olmadan onun tarix səhnəsində özünəməxsus yer tuta bilməsi demək olar ki, mümkünsüz olmalı imiş.
Bununla belə, Atatürkün özünün təqdir etdiyi kitabda faktların bir neçəsinin təhrif olunduğunu görmək olar. Lakin bu, kitabın izlədiyi tarixi hadisələrin gedişatına xələl gətirəcək səviyyədə deyil.
Əsərdə Atatürk hər baxımdan yerdən-yerə vurulsa da, onun necə güclü və müdrik şəxsiyyət olması hər sətirdə vurğulanır. Yazıçı “yiğidi öldür hakkını yeme” prinsipini rəhbər tutmuşdur.
Bir sözlə, Atatürk şəxsiyyətinə fərqli rakursdan baxmaq istəyənlərin oxumalı olduğu, maraqlı əsərdir.