Bir qadın həyatını tamamilə dəyişmək qərarını 24 saatın içində verə bilərmi? Bütün həyatını, keçmişini gözdən çıxartmağı bacararmı? Bəs ətrafındakı insanlar onun bu hərəkətini anlamağa qadir ola bilərmi?
Stefan Zweig bu əsərində nəzakətli ingilis xanımının çox sevdiyi həyat yoldaşını itirəndən sonra həyatının mənasını yenidən tapması məqsədilə çıxdığı səyahətindən, və qarşısına çıxan qumarbaz bir gənclə olan bir günündən bəhs edir. Qadının keçirtdiyi bütün hissləri oxucu da anlayır, onun düşüncələrini bölüşür.