O an dərk etdim ki, həyat və mövqeyin insana bəxş etdiyi bütün üstünlüklər və bu üstünlüklərin insanda yaratdığı əminlik hissi tarladan yaz vaxtı dərdiyim zəncirotunun xəfif toxunuşla dağılan tozcuqları kimi anidir.
Çünki elə hadisələr var ki, haqlı və haqsız tərəflər yoxdur. Ellipsis halında olar hadisələr. Hansı tərəfdən baxsan, oradan görünənlər düzgün ola bilər. Yəni o yana keçib qarşı tərəfdən baxsan, həmin anı təkrar yaşaya bilərsən.
Göyün yeddinci qatında olsa belə, ruhum ruhunu tapıb sakitləşəcək. Mən səni sükutumla sevdim. Sükutumla üsyan etdim. Səni sevmək bu qırmızı quruluşda müsavatçı olmaq qədər qorxuncdur.