Buradan 1 k kitab rəhbərliyinə səslənirəm, daha doğrusu yazılı müraciət edirəm. Kitabı hədəflərə endirmək nə qədər düzgündür? Gələcək üçün qarşımıza qoyduğunuz hər hədəf, gələcəkdə keçmiş zəifliklərimizi xatırladan damğa olacaq. İstər çataq, istər yox. Həm də hədəf, həyat ruhunu öldürür. Deyək ki, Ülvi 100 kitab hədəfi qoydu və 100-ünü də oxudu. Fəqət ki, Ülvi sadəcə 100 kitab oxudu, yalnızca hədəfinə çatdı, başqa heçnəyə.Həyat elə deyil, həyat zəngindir. Bir də ki mənim sonuncu oxuduğum kitab fayda baxımından əvvəl oxuduqlarımın haradasa 30 dənəsi dəyərindədir, bunu necə izah edir bu hədəf şkalası? Alınası iş deyil əşi. (Haha, bəlkə də bunlar mənim gənclik isyankarlığımın təcəssümüdür, bilmirəm. Hər halda hələ ki belə fikirləşirəm)
Onsuz da həyatımızda o və ya bu şəkildə “hədəflərə” məruz qalırıq, heç olmasa kitablarda sərhədsiz olaq.