Rojda
@ARojdaaa
Qerejdax, 1 Şubat 2008
18 okur puanı
Temmuz 2024 tarihinde katıldı
Kulîlkên buharî yên nû-gihayî
Bi hilm û bi bîhn yên reng-Xwedayî
Ewên kesk û sor, pel pel gewherî
Kêzik û kurmik teyrên pirrperî
Guh dane çiyan, wek mêrê berê
Tev bûne şahid li vê tevgerê:
Agirê daran tîrêja rojê
Şevqa adaran pêşengê dozê;
Doza biharî, bîhna nêrgizê
Kewê serdarî, destpêkê bezê;
Serdarê teyran, teyrbazê çiyê
Spartakusê arê azadiyê!...
Bihara rengîn, bihuşta dinê
Serhildana kurd, dema kirinê !
Tu çaxê me yî ji hezar salan
Rûmeta me yî, ji bav û kalan
Cejn û îd î tu; sersala qewî
Pîroziya gel, paya netewî..!
Ji wan re digot, "biçin birevin
Hevalên we êdî şikeft û şev in;
Li hev bigerin hevdû bibînin
Da hûn dawiya vê zilmê bînin!"
Du hezar sal e me da neqedya
Û em î Kurd man, û ax jî Medya
Çar parçe be jî, mêtingeh be jî
Gorna me bû vir, û jîna me jî...