Rojda
@ARojdaaa
Qerejdax, 1 Şubat 2008
18 okur puanı
Temmuz 2024 tarihinde katıldı
Ew e têkoşîn, ew: hesinkerek
l' ser vê riyê leheng û rêberek
Bû armanc û doz, û ket jiya me
Nemir in b' me re pirr Kawayê me:
Bi navê Seîd, Rizo w Bedir-Xan
Bi namê Qadî, Mahmûd û Barzan...
Û
Jiyan bi me re...
Kardox û Kûdî; gelên Aryanî
Ne bêxweda man û ne bêxanî
Dîcle û Ferat e şên û şînahî
Mezra Bota ye warê b'ronahî;
Bi dêr û camî ev xaka ciwan
Destên biyan de îro Kurdistan!
Bang kir aldar, got "hilde jorê
Hevalno werin, bicivin l' dorê!
Xweş bihejîne li ser serê me
Kesk û sor û zer ala dema me!
Alê tu hebî, tu bi senem bî
Li ser vê xakê ahd û qesem bî!
Kulîlkên buharî yên nû-gihayî
Bi hilm û bi bîhn yên reng-Xwedayî
Ewên kesk û sor, pel pel gewherî
Kêzik û kurmik teyrên pirrperî
Guh dane çiyan, wek mêrê berê
Tev bûne şahid li vê tevgerê:
Agirê daran tîrêja rojê
Şevqa adaran pêşengê dozê;
Doza biharî, bîhna nêrgizê
Kewê serdarî, destpêkê bezê;
Serdarê teyran, teyrbazê çiyê
Spartakusê arê azadiyê!...