Abdullah GÖNÜLDAĞLI
@Abdullahgonuldagli
Adımı ,sanımı boşver.Gördüğün gibi Allahın bir kuluyum.
YOZGATLI değilim, YOZGAT sevdalısıyım.
İnşaat Bekçisi
Lise mezunu
İzmirin doğusu
1972
1011 okur puanı
Kasım 2019 tarihinde katıldı
Şu anda okuduğu kitaplar
Okuma Hedefleri
...... ÂFET
1 Gamze âfet nigeh âfet hat-ı fettan âfet
Ta ser-â-pây o füsûn-gerde-i hûbân âfet
2 Çâh-ı Nahșeb gibi berk urmada âşûb-ı seher
Olsa dünyâya n'ola çâh-ı zenabdân âfet
3 Ramak-ı câna șifâ-hâne-i la'lünde senün
Oldı zehr-âb-ı itâbun ile dermân âfet
4 Küfr-i zülfünde degül ey sanem-i șehr-âşûb
Devr-i hüsnünde bile șîme-i îmân âfet
5 Hayl-i müjgân n'ola ģamzen gibi âfet olsa
Pâdişeh âfet olinca olur erkân âfet
6 Nice tâkat getürür bilsem aceb Yârî-i zâr
Aşk âfet gönül âfet rûh-ı hûbân âfet
Sayfa 222
EN BÜYÜK DÜŞMANIN İÇERDE SEN NERDE DAHA NE ARARSIN
1 Çün sendedür ol cân-ı cihân sen ne ararsın
Haricde mi yâ dilde nihân sen ne ararsın
2 Ol șûh-ı ne dem yoklar isen hânede hazır
Yokdur ana hîç vakt ü zamân sen ne ararsın
3 Șâyeste isen gir içerü seyrini eyle
Mübhem degil ebvâb-ı cinân sen ne ararsın
4 Seyr ister isen şivesini çünki nigârı
Her cilvesi hûblarda 'ayan sen ne ararsın
5 Sıdkî arama 'âlemi zâhirde hazer kıl
Bâtında hafî hasm-ı girân sen ne ararsın
Sayfa 218Kitabı okuyor
...... GARİB BİR SEVDÂDASIN
1 Ey gönül bî-hûde da'vâdan hele azâdesin
Gam degildür nâs içinde böyle kem üftâdesin
2 Hâke yek-sândur hemîşe âfitab-ı pür-șu'â'
Ne zarar pâ-mal isen elbet yine a'lâdasın
3 Aklı tam olan ider mi meyl-i câh u saltanat
Yine temkin bulmadın böyle 'abes da'vâdasın
4 Kâma vâsıl olmaga ey dil nedür bu ıztırab
Halli müskil hâsıl sen bir garib sevdâdasın
5 Kimse tahkîr eylemezdi remzini fehm eylese
Bilseler kim Sıdkîyâ sen de ne merdüm-zâdesin
Sayfa 218Kitabı okuyor
Okur Takip Önerileri
.......... B İ L M E Z E M
1 Öyle ser-hõș olmuşum ki eyn ü ânı bilmezem
Mest ü medhûșum hemîşe nâm ü şânı bilmezem
2 Hem benim mecnûn-ı 'aşk kim gezerim sahaları bilmezem
Hâne-ber-dûşum dehirde hânümânı bilmezem
3 Alet-i 'aşkdur bezimde çeng ü tanbûr u usûl
Mahrem-i esrâr-ı bezmem sofîyânı bilmezem
4 Cevher-i güftâr medfûn mahzen-i dil toptolu
Kân-ı irfân olmuşum ben özge kânı bilmezem
5 Sinemizdür ney gibi sûrâh sûrâh Sıdkîyâ
Tabl u sûr-nâ vü kaval ü hem kemanı bilmezem
Sayfa 212Kitabı okuyor
43 Niçe 'arif ü kâmiller ma'ânîsinde acizler
Yetişür kadr ü șanında ana inzâl olan Kur'ân
44 Yolında cidd ü sa'y ile hulûs u hubbunı rabt it
Ola ki bâb-ı lutfında olasın sen dahi insân
45 Niçeler buldılar derde devâyı istinâd ile
Mülazım ol o der-gaha olur elbet sana dermân
46 Şefâ'at bûyını șemme liyâkat var ise Sıdkî
Hevâ-yı nefs-i șûm ile niçe bir idesin isyân
Sayfa 209Kitabı okuyor
....... A N L A R S I N
1 Tarîk-ı 'aşkı bilmeyüp yokuşları düz anlarsın
Muharrik görmeyüp gözün kasırgayı toz anlarsın
2 Tulû'-ı șems ile zevb oldığın derke liyâkat yok
Hayât-bahş-ı zemîn olan zülâli sen buz anlarsın
3 Cemadât olur nâtık kelâm-ı akdes ehl-i dil
Sühan hâlâtını fehm itmeyüp sözi koz anlarsın
4 Neye baksa nazar ehli görürler anda bir ânı
Bakar gibi bakan bu gözleri sen de göz anlarsın
5 Niçe bin saydığın Sıdkî ol ad 'indinde birdür bir
Temelden derk idemeyüp biri da'im yüz anlarsın.
Sayfa 205Kitabı okuyor
YOKLUK MAKASI HİÇ BİR YARATILMIŞI SAĞLAM BIRAKMAZ
1 Biçilür dem be dem rûha 'anâsırdan kabâ elvân
Fenâ mikrâzı komaz kisve-i halkı kala yek-sân
2 Mürûr ile ola herkes bu köhne cameden "âcîz
Ana elbet biçilür nev-be-nev bir câme-i pinhân
3 Dime âlûdeyim çirk-ab-ı 'isyâna niyâz-mend ol
Olursa katre âlûde kabûl eyler anı ummân
4 Şeh-i ahir-zamânın dâmen-i pâkin tutan mücrîm
Niçün olmaya ukbâda ğarik-i lücce-i ğufrân
5 Riyâyı kaldur ey zâhid kurı pindarı terk eyle
Niçe bir zu'm-ı șeytânî niçe bir kadh ola rindân
6 Benim cürmüm olup mukbil senin zühdün ola müdbîr
Meşiyyet halini sen ne bilürsin gâfil ü nâ-dân
7 Hevâ-yi nefs ile nâsıh dil-i virâneyi yakma
Ki dâğ-ı derd-i hicr ile șikeste hatıruz her ân
8 Ne zühd ü ne 'âmel elde bizimki semt-i nistidür
Bizim ser-mâyemiz budur bu vadidür bize âsân
9 Ola âmirzişe belki bahâne Sıdkîyâ bir âh
Koma âhı hemân elden ne lutf eyler sana Sübhân
Sayfa 204Kitabı okuyor
........... ŞİMDİ UYANDIM
1 Himmet kuşağın bilime merdâne kuşandım
Hüzn uykusına varmış idim şimdi uyandım
2 Etrâfını geșt eylemeden olmadım âgâh
Pervâne sıfat șem'-i şeb-istâna kapandım
3 Gül-zâr-ı hakâyıkda benem 'ârif-i 'âgâh
Gül suyı gibi cümle gül-istâna boyandım
6 Göz görmez anı kime diyem râz-ı derûnı
Âh eyleyerek ateş'i hicrânına yandım
7 Sıdkî hele çok hûn-i, ciğer dehrde içdim
Bu 'arsada bir cevher-i şâhâne kazandım
Sayfa 204Kitabı okuyor
......... ANDIM AĞLADIM
1 Hâtırıma geldi ol cânânı andım ağladım
Halime rahm idici Sultanı andım ağladım
2 Ana rahminden zuhûra getürüp hıfz eyleyen
Hâfız u Settar olan Rahmanı andım ağladım
3 'İllet ü ekdârdan hâfız Hakîm-i mutlakı
Cismime sıhhat viren Lokmânı abdım ağladım
4 Zâhir ü bâtın ni'amla perveriş viren bana
Lâ-ye'add ihsân iden Mennânı andım ağladım
5 Ben cürüm itdikçe eyler ol bana lutf u kerem
'Aybumi pinhan iden Ğaffârı andım ağladım
6 Görmedimse nahnű akreb remzine vâkıf olup
Bana akreb benden ol Sübhanı andım ağladım
7 Bu harâbe-hânesine Sıdkîyâ revnak viren
Dilde olan ol 'azîz mihmânı andım ağladım
Sayfa 201Kitabı okuyor
TEK KELİMEYLE " ÇARESİZİM "
Mu'ti vü Mani' sin Hudâ bir müflis ü bî-çâreyim
Yokdur elimde bir medâr bir müflîs ü bî-çâreyim
2 Ne 'âbidim ne zâhidim ne 'ârifim ne 'âlimim
Dest-i tehî rûy-i siyeh bir müflîs ü bî-çâreyim
3 Şayeste-i der-gah olur fi'l-i hasen kârım degil
Gaflet ile giçdi ömür bir müflîs ü bî-çâreyim
4 Zenb-i vücûdı bilmişim hem mekr-i nefsi tuymuşum
Togri yolı yanılmışım bir müflîs ü bî-çâreyim
5 Varlık ile olan 'âmel bildim sana lâyık değil
Yokluk ile me`nûs olan bir müflîs ü bî-çâreyim
6 'İsyăn benim ğufrân senin derd-i dile dermân senin
Cân da senin ten de senin bir müflîs ü bî-çâreyim
7 Varlıkla olan zikrden ey Sıdkî lezzet bulmadım
Giçdim hurûf u savtdan bir müflîs ü bî-çâreyim
Sayfa 200Kitabı okuyor
...... MUTLU VE NEŞ'ELİYİM
1 Ne denlü yokluğa meyl eylesem ben șâd u mesrûrum
Kaçan gafletle varlık eylesem magmûm u magbûrum
2 Ne dem ki ârzu-yı hubb-ı dünyâ eylese gönül
Huzurından anın cânâ o denlü dûr u mehcûrum
3 Ne denlü hâtırım âșüfte ise ayş içün zâhir
Hayâl-i sâdık-ı dil-dâr ile bâtında ma'mûrum
4 Egerçi Sûretâ evsaf-ı sofî ile mevsûfum
Velikin sîretâ rind ü kalenderlikle meşhûrum
5 Ne denlü benzese tavrım 'avâma vech-i zâhirde
Fakîrân defteri içre yine mesbût ü mestûrum
6 Ne denlü kem- 'ayâr isem sakın kem bakma kim zirâ
Nigâh-ı kimya-yı Hazret-i Pîr ile manzûrum
7 Mesacidde bizi Sıdkî dahi aramasın ahbâb
Yerim mey-hânedür șimdi mey-i 'aşk ile mahmûrum
Sayfa 198Kitabı okuyor
........... İNSANA SÖZÜM
1 Ney gibi hâlet virür meclisde ihvâna sözüm
Getürür âşüfte-gânı zâr u efgâna sözüm
2 Zahm-dar olsa sipihrin tîr-i cevrinden gönül
Merhem-i nâfi' olur mecrûha rindâne sözüm
3 İstemez nâ-dân huzûrında sühan açmak bu dil
Eylemez nesnâsa te`sir eyler insâna sözüm
4 Şemm iden ehl-i meşâm tefrîh içün gelsin berü
Anber-âsâ bû virür bezme zarifâne sözüm
5 Dürr-i akdes kadrini herkes ne bilsün Sıdkîyâ
Alem-i dil tuhfesidür ehl-i 'irfâna sözüm
Sayfa 198Kitabı okuyor
....... G E L D İ M
1 Tabîbâ hasteyim dermâna geldim
ilâc içün sana efgâna geldim
2 Sivâ 'illetleriyle toldı gönlüm
Marîz u nâ-tüvânım câna geldim
3 Şikeste-bestedür kalb-i hazinim
Güşâyiş virmeye fermâna geldim
4 Bu firkat ateşi yakdı derûnım
Der-i vâlâya yana yana geldim
5 Rakîb-i rü-siyehdendür da'âvî
Elimde 'arz-ı hal divâna geldim
6 Ümîd-i bi-şümâr ile bu gün ben
İnâyet menba' sultâna geldim
7 Ezelden katre-i nâ-çiz idim ben
Tolandım Sıdkîyâ 'ummâna geldim
Sayfa 197Kitabı okuyor
......... KALB-İ SELÎM
1 'Arife ser-mâyedür bu 'arşada kalb-i selîm
Ehl-i dil dimem o şahsa k'olmaya kalb-i selîm
2 Her ne var kalb-i selim ehlinde iste anı bul
Özge hâletdür dilâ kâmillere kalb-i selîm
3 'Âlem-i gayb cilvesi kalb-i selim içindedür
'Akil irmez bir ulu der-gâhdur kalb-i selîm
4 İrmeyen kalb-i selîme âdemiyyet ummasun
Ademiyyet iddi'âsın eylesün kalb-i selim
5 Olmayan tab'-ı selîmi dem-be-dem berzahdadur
Ni'met-i 'uzmadadur 'âlemde ol kalb-i selîm
6 Kâm alurlar 'âlem-i dilde olurlar behre-mend
Neș'e evveli de vü âhiri de hem kalb-i selîm
7 Vasfa gelmez 'âlem-i asdafda keyfiyyeti
Bahr-ı bî-pâyân içinde dürr imiş kalb-i selîm
8 Bendesiyim cân u dilden öyle zât-ı ekremin
Oldi sultânım efendim sâhib-i kalb-i selîm
9 İremez maksûdına ehl-i tereddüd Sıdkîyâ
Dâd-ı Hakdur ta ezel 'âriflere kalb-i selîm
Sayfa 196Kitabı okuyor
EY SIDKÎ EHL-İ KEMÂL YANINDA AĞZINI KİLİTLE
Mefâ'îlün mefâ'îlün fe'ülün
1 Ma'âdin tahayyül eyle evvel
Bu nefsi keydine olma müsevvel
2 Mücâhid ol çalış ahlâkını it
Zemimeden hamideye mübeddel
3 Riyâzât ile jeng-i mâsivâdan
Gönül mir'âtini eyle musaykal
4 Ma'âș içün tekâpû eyleme hiç
Hemișe Hâlika eyle muhavvel
5 Garûr olma 'ibâdât ile zühde
Buyurdı Şeyh-i Ekber lâ-ye'avvel
6 Olur âzâde-dil ehl-i mecâlis
Kelâmını sakin itme mutavvel
7 Kemâl ehli yanında Sıdkîyâ it
Sükût ile dehânını mukaffel
Sayfa 195Kitabı okuyor