Badisəba
@Badi_Seba_18
Soruşdun: yadına düşürəmmi heç,
barı ürəyindən keçirəmmi heç.
Gəl elə danışma,
elə soruşma...
Soruş ki,yadımdan çıxırsanmı heç,
soruş: yerə-göyə sığırsanmı heç?!
Hərdən boşa çıxır xoş ümidləri,
insan gümanla da yaşayır,gülüm.
Bəzən cəmiyyətin böyük dərdləri
Kiçik ailədən başlayır,gülüm.
Adi vaxtlarda
o qədər həsrət çəkmirəm
sənin üçün.
Adi vaxtlarda
o qədər də darıxmıram,
xiffət çəkmirəm
səsin üçün,
ünün üçün.
İzdihamlarda ürəyim sinəmi taqqıldadıb
pıçıldayır:
-Yalqızsan, təksən!..
Nədənsə,
Həmişə adamların tünlüyündə
daha çox ehtiyac duyuram sənə,
daha çox hiss edirəm ki,
mənə sən lazımsan,
sən gərəksən...
Bir əsim külək kimi,
bir açım çiçək kimi,
bir şirin dilək kimi.
məndən niyə qaçırsan?!
İlğımlı çölə dönüb,
çağlayan selə dönüb,
əriyən telə dönüb,
məndən niyə qaçırsan?!
Umu-küsün,davan yox,
düşüb səni qovan yox,
özgə qəlbdə yuvan yox,
məndən niyə qaçırsan?!
Şıltaqlıq səni yorar,
Məndən qaçdığın yollar,
səni mənə qaytarar,
məndən niyə qaçırsan?!
Şəvə saçlım,ağ örpəklim,
xoş niyyətlim,saf diləklim,
ürəyinə köçə şəklim,
şəklimi gözündə gördüm.
Gülü qönçə dərməmişdim,
dərib telə hörməmişdim,
mən özümü görməmişdim,
şəklimi gözündə gördüm.