تختەدن یاپیلمش بر اوزون قوطو ؛
باش طرفی گڭیش ، آیاق اوجی طار .
چاقانلر بیلیر كە ، بو بوش تابوتی ،
یارین كندیلری طولدیراجقلر .
هر یاندن كوچولن بر اوطە گبی ،
دیوارلر یاناشمش ، طاوان آلچالمش .
صانكە بر طاش ببك قوطودە گبی ،
خیالم ، ایچندە اوزانمش قالمش .
جیلیز وجودمە تام گورڭسە دە ،
ایچم ، بو طار یرە صیغیلماز دییور .
گریدە قالانلر هپ دوگنسە دە ،
انسان برر برر ینە گیرییور .
ئولنلر یڭیدن طوغارمش ؛ گرچك !
تابوت دگلدر بو ، بر تختە قونداق .
بو آغیر هدیە كیمە گیدەجك ،
چاقیلیر چاقیلماز أوستنە قپاق